اتىراۋ وبلىسىنىڭ پروكۋراتۋراسى سوتقا دەيىنگى تەرگەپ-تەكسەرۋ باسقارماسىنىڭ باستىعى دۋلات تولەۋوۆتىڭ ايتۋىنشا, ارنايى پروكۋرورلار قالالىق پوليتسيا باسقارماسىنىڭ پوليتسيا قىزمەتكەرلەرى تاراپىنان كۇدىكتىنى ازاپتاۋ دەرەگىمەن سوتقا دەيىنگى تەرگەپ-تەكسەرۋدى جۇرگىزدى, دەپ حابارلايدى Egemen.kz.
«باستاپقىدا قىلمىستى اشۋ وڭاي بولمادى. سەبەبى, ازاپتاۋ جۇرگىزىلگەن بولمەنىڭ ىشىندە كامەرا بولعان جوق. ال ەسىك سىرتىنداعى كامەرادا جەدەل ۋاكىلدەردىڭ قىلمىس ءىزىن جاسىرعان ءساتى تىركەلدى. ەسىك سىرتىندا تۇرعان كۋاگەر جابىرلەنۋشىنىڭ ايقايلاپ, كومەك شاقىرعان داۋىسىن ەستىگەن», دەيدى دۋلات تولەۋوۆ.
جابىرلەنۋشىنىڭ دەرەگىنە قاراعاندا, سوققىدان قۇلاعى ەستىمەي قالعان. ول پروكۋراتۋراعا شاعىم تۇسىرگەن.
«تەرگەۋ بارىسىندا قالالىق پوليتسيا ءبولىمىنىڭ 5 جەدەل ۋاكىلى جابىرلەنۋشى ق.ر.-دى قىزمەتتىك كابينەتتە اۋىر قىلمىستى مويىنداتۋ ماقساتىندا ۇرىپ-سوققانى, ياعني ازاپتاۋ ارەكەتىن جاساعانى انىقتالعان. جينالعان ماتەريالدارمەن اتالعان قىزمەتكەرلەردىڭ كىناسى تولىق دالەلدەنىپ, قىلمىستىق ءىس سوتقا جولداندى. سوت ۇكىمىمەن پوليتسيا قىزمەتكەرلەرىنىڭ ارقايسىسى 3 جىلدان 4 جىلعا دەيىن باس بوستاندىعىنان ايىرۋ جازاسىنا سوتتالدى», دەپ حابارلادى وبلىستىق پروكۋراتۋرادان.