قازاقcتان ۇلتتىق قۇراماسىنىڭ جارتىلاي شابۋىلشىسى عالىمجان كەنجەبەك رەسمي تۇردە گروزنىيدىڭ «احمات» كلۋبىنىڭ قاتارىنا قوسىلدى, دەپ حابارلايدى Egemen.kz كلۋبتىڭ ءباسپاسوز قىزمەتىنە سىلتەمە جاساپ.
22 جاستاعى شابۋىلشىنىڭ گروزنىي كلۋبىمەن كەلىسىمى 4,5 جىلعا جاسالعان.
2003 جىلى تاراز قالاسىندا دۇنيەگە كەلگەن فۋتبولشى الماتىلىق «قايرات» كلۋبىنىڭ اكادەمياسىندا تاربيەلەندى. ۇلكەن فۋتبولداعى العاشقى قادامىن 2020 جىلى ءدال وسى «قايرات» ساپىندا باستاعان. كەيىن مانسابىن «ماقتاارال» (تۇركىستان وبلىسى), «جەڭىس» (استانا) كلۋبتارىندا جالعاستىرىپ, شەتەلدە دە باق سىنادى. كيپردىڭ «اكريتاس حلوراكاس» جانە سلوۆاكيانىڭ «كوشيتسە» كوماندالارىندا ونەر كورسەتتى. سوڭعى كەزدەرى سەمەيلىك «ەلىماي» كلۋبىنىڭ نامىسىن قورعادى.
«استانا» فۋتبول كلۋبى جاڭا ماۋسىمعا دايىندىقتى باستادى
عالىمجان كەنجەبەك قازاقستان ۇلتتىق قۇراماسىنداعى العاشقى ويىنىن 2024 جىلى وتكىزدى. ول ۇلتتىق قۇراما ساپىندا 6 ماتچقا قاتىسىپ, ءبىر گول سوقتى. سونىمەن قاتار فۋتبولشى قازاقستاننىڭ 17, 19 جانە 21 جاسقا دەيىنگى جاسوسپىرىمدەر مەن جاستار قۇرامالارىندا دا ونەر كورسەتكەن.
قازاقستان فۋتبول قۇراماسىنىڭ باس باپكەرى بەلگىلى بولدى
ايتا كەتەيىك, «احمات» كلۋبىن بەلگىلى باپكەر ستانيسلاۆ چەرچەسوۆ جاتتىقتىرادى. بۇعان دەيىن ول قازاقستان ۇلتتىق قۇراماسىنىڭ باس باپكەرى بولعان. سونىمەن قاتار گروزنىيلىق كلۋب ساپىندا تاعى ءبىر قازاقستان فۋتبولشىسى ماكسيم سامورودوۆ تا ونەر كورسەتىپ ءجۇر.
يسلام چەسنوكوۆ شوتلانديانىڭ «حارتس» كلۋبىنا اۋىستى