«قازمۇنايگاز» ۇق اق شىمكەنت مۇناي وڭدەۋ زاۋىتىنان زاڭسىز وتىن جونەلتىلگەنى تۋرالى باق-تا تاراعان اقپاراتتى تەرىسكە شىعاردى. اتالعان كومپانيانىڭ جشس «پكوپ»-قا قاتىسى جوقتىعى جانە زاۋىت اۋماعىنان تىس ورنالاسقانى مالىمدەلدى, دەپ حابارلايدى Egemen.kz.
«شىمكەنت مۇناي وڭدەۋ زاۋىتى اۋماعىنان مۇناي ونىمدەرىن ۇرلاۋ سحەماسىنىڭ جولى كەسىلدى دەگەن اقپارات شىندىققا سايكەس كەلمەيتىنىن مالىمدەيمىز. بۇل اۋماقتان مۇناي ونىمدەرىن ايداۋ قاتاڭ نۇسقاۋلىققا سايكەس, قابىلداۋ-تاپسىرۋ اكتىلەرىن مىندەتتى تۇردە راسىمدەۋ ارقىلى جۇزەگە اسىرىلادى. بارلىق پروتسەستەر اۆتوماتتاندىرىلعان جانە باقىلاۋشى ورگاندار ءۇشىن اشىق», دەلىنگەن حابارلامادا.
مۇناي ونىمدەرىن جونەلتۋ تەمىرجول كولىگىمەن جانە «شىمكەنت مۇناي ونىمدەرى» اق-نا قۇبىر ارقىلى تەك وتىنىمدەر نەگىزىندە جۇزەگە اسىرىلادى.
قازاقستاننىڭ مۇناي تۇتىنۋ كورسەتكىشى 30 جىلدا قالاي وزگەردى؟
شىمكەنت مۇناي وڭدەۋ زاۋىتى قالىپتى رەجيمدە جۇمىس ىستەپ تۇر.
ەسكە سالايىق, بۇعان دەيىن, پوليتسيا قازاقستانداعى ءۇش مۇناي وڭدەۋ زاۋىتىنىڭ بىرىنەن وتىن ۇرلاۋ سحەماسىن اشكەرەلەگەنى, وتىندى ساقتاۋ جانە ايداۋ جابدىقتارى تاركىلەنگەنى, وعان شىمكەنت مۇناي وڭدەۋ زاۋىتى قىزمەتكەرلەرىنىڭ قاتىسى بار-جوعى تەكسەرىلىپ جاتقانى تۋرالى اقپارات تاراعان.
ءىىم: شىمكەنتتە مۇناي ونىمدەرىن ۇرلاۋ سحەماسى اشكەرەلەندى
2025 جىلدىڭ باسىندا مۇناي ونىمدەرىن ۇرلاعان قىلمىستىق توپتىڭ ۇستالعانى تۋرالى ايتىلعان.