نەيروبيولوگتەردىڭ ايتۋىنشا, ادام ميىنىڭ ەۆوليۋتسياسىندا جاڭا كەزەڭ باستالدى. جاساندى ينتەللەكت داۋىرىندە دۇنيەگە كەلىپ, سونىمەن بىرگە ءوسىپ جاتقان بالالاردىڭ ويلاۋ جۇيەسى الدىڭعى بۋىنعا ەندى ۇقسامايدى.
ولار اقپاراتتى جاتتاۋعا ەمەس, ونى جىلدام تابۋعا, تەكسەرۋگە, ءوزارا بايلانىستىرۋعا بەيىمدەلىپ كەلەدى. ياعني كەيىنگى ۇرپاقتىڭ ميى جاڭا ورتاعا يكەمدەلىپ, وزگەرە باستادى. جي-مەن وسكەن بالالار دايىن جاۋاپتى قابىلداۋعا ەمەس, سۇراق قويۋ ارقىلى ويلاۋعا داعدىلانىپ جاتىر. ولار كەز كەلگەن مالىمەتكە كۇمانمەن قاراپ, سالىستىرۋدى, تەكسەرۋدى ەرتە جاستان ۇيرەنەدى. سونىمەن قاتار كۇندەلىكتى جۇمىستاردى تەحنولوگياعا تاپسىرا وتىرىپ, ءوز نازارىن ءمان ىزدەۋگە, يدەيا قالىپتاستىرۋعا, شىعارماشىلىق ويلاۋعا باعىتتايدى. نەيروبيولوگتەر جي-ءدىڭ كەسىرىنەن ەندىگى بالالار جالقاۋ, ويسىز بولادى دەگەن قورقىنىش ورىنسىز دەپ وتىر.