قازالى اۋدانىندا بىرەۋدىڭ مالىن ۇرلاپ, ونى سويىپ جاتقان ەكى كۇدىكتى ۇستالدى. قازىر ولاردىڭ باسقا دا مال ۇرلىقتارىنا قاتىسى تەكسەرىلىپ جاتىر, دەپ جازادى Egemen.kz.
پوليتسەيلەر دەرەگىنشە, ايعاق زاتتار تاركىلەنىپ, اتالعان دەرەك بويىنشا قىلمىستىق ءىس تىركەلگەن. 22 جانە 24 جاستاعى ەكى كۇدىكتى قاماۋعا الىنىپ, تەرگەلىپ جاتىر.
وتكەن جىل قورىتىندىسىمەن وبلىستا مال ۇرلىعى ءبىرشاما تومەندەپ, اشىلۋ كورسەتكىشى 4,2%-عا جاقسارىپتى. 29 ادام قىلمىستىق جاۋاپكەرشىلىككە تارتىلسا, بەلگىلەنبەگەن ورىنداردا قاراۋسىز جۇرگەن مال يەلەرىنە قاتىستى 1095 اكىمشىلىك شارا كورىلگەن.