استانا پوليتسياسى الەۋمەتتىك جەلىلەردە كتك نىساندارىنا جاسالعان شابۋىلدى قولداپ, پىكىر جازىپ جاتقان تۇلعالارعا قاتىستى سوتقا دەيىنگى تەرگەۋ امالدارىن باستادى, دەپ حابارلايدى Egemen.kz.
ءماجىلىس دەپۋتاتى ايدوس سارىمنىڭ ساۋالىنا جاۋاپ بەرگەن باس پروكۋرور بەرىك اسىلوۆ 17 جەلتوقساندا استانا قالاسىندا اتالعان فاكتى بويىنشا قىلمىستىق ءىس تىركەلگەنىن مالىمدەدى. تەرگەۋ نىسانى – 2025 جىلعى 29 قاراشادا كتك تەرمينالىنا ۇشقىشسىز قۇرىلعىلار ارقىلى جاسالعان شابۋىلىن اشىق قولداعان پايدالانۋشىلاردىڭ جەلىدەگى جازبالارى.
كتك تەڭىز تەرمينالى مۇناي قابىلداۋدى توقتاتتى
دەپۋتات ءوز ساۋالىندا ەل ەكونوميكاسى ءۇشىن ستراتەگيالىق ماڭىزى بار ينفراقۇرىلىمعا سوققى بەرۋدى ماقۇلداۋ – ۇلتتىق مۇددەگە تىكەلەي زيان كەلتىرۋ ەكەنىن اتاپ وتكەن بولاتىن. ول مۇنداي مالىمدەمەلەردى «تەرروريزمدى ناسيحاتتاۋ» نەمەسە «مەملەكەتكە وپاسىزدىق جاساۋ» باپتارىمەن باعالاۋدى ۇسىندى.
«تەرگەۋ بارىسىندا بۇل تۇلعالاردىڭ جەكە باسىن انىقتاۋ جانە ولاردىڭ كىناسىن دالەلدەيتىن ايعاقتاردى جيناۋ شارالارى قابىلدانۋدا. جۇمىس ناتيجەسى بويىنشا كۇدىكتىلەردىڭ ءىس-ارەكەتىنە تۇپكىلىكتى ساراپتاما بەرىلىپ, پروتسەستىك شەشىم قابىلدانادى», دەدى باس پروكۋرور.
سونداي-اق قاداعالاۋ ورگانى جالعان اقپارات تاراتۋ جانە قۇقىققا قايشى كونتەنت جاريالاۋ ءۇشىن قىلمىستىق جانە اكىمشىلىك جاۋاپكەرشىلىك قاراستىرىلعانىن ەسكەرتىپ, ازاماتتار اراسىندا ءتۇسىندىرۋ جۇمىستارىن جۇرگىزىپ جاتىر.
دەپۋتات كتك-عا جاسالعان شابۋىلدى اقتاعانداردى جازالاۋدى سۇرادى
ەسكە سالا كەتەيىك, 29 قاراشادا نوۆوروسسيسك پورتى اۋدانىندا كتك-نىڭ تەڭىز ينفراقۇرىلىمىنا ۇشقىشسىز قۇرىلعىلار شابۋىل جاساپ, ناتيجەسىندە ۆپۋ-2 تيەۋ قۇرىلعىسى ايتارلىقتاي زاقىمدالعان بولاتىن.