شەشەنستان باسشىسى رامزان قادىروۆ 20 جاستاعى ۇلكەن ۇلى احماتتى ۆيتسە-پرەمەر ەتىپ تاعايىندادى. تاعايىنداۋ تۋرالى شەشەنستان باسشىسى Telegram ارناسىندا مالىمدەدى, دەپ جازادى Egemen.kz.
احمات بۇعان دەيىن ەلدىڭ دەنە شىنىقتىرۋ جانە سپورت مينيسترلىگىن باسقارعان. ەندى بۇل مىندەتىن جاڭا لاۋازىمىمەن قوسا اتقارادى.
سونداي-اق شەشەنستان پرەمەر-ءمينيسترىنىڭ ورىنباسارى مىندەتىن اتقارۋشى بولىپ ايماقتىق ۇلتتىق ساياسات, سىرتقى بايلانىستار, ءباسپاسوز جانە اقپارات ءمينيسترى احمەد دۋداەۆ تاعايىندالدى.
رامزان قادىروۆ جاڭا قىزمەتكە تاعايىندالعان ەكى ازاماتتىڭ دا باسقارۋ ىسىندە تاجىريبەسى تولىسقانىن اتاپ ءوتتى.
«ولار قىزمەت بارىسىندا رەسپۋبليكانىڭ الەۋمەتتىك-ەكونوميكالىق سالالارىن دامىتۋعا زور ۇلەس قوستى. احمات قادىروۆ پەن احمەد دۋداەۆ وزدەرىنە جۇكتەلگەن مىندەتتەردى جوعارى دەڭگەيدە اتقاراتىنىنا سەنىمدىمىن», دەپ جازدى شەشەنستان باسشىسى Telegram ارناسىندا.
ايتا كەتەيىك, رامزان قادىروۆتىڭ تۋىستارى مەن بالالارى شەشەنستانداعى ماڭىزدى قىزمەتتەرگە تۇراقتى تۇردە تاعايىندالىپ, جوعارى ايماقتىق ماراپاتتارعا يە بولىپ ءجۇر.
رامزان قادىروۆتىڭ ۇلى كەزەكتى ماراپاتقا يە بولدى
دەسە دە ونىڭ ايشات ەسىمدى ۇلكەن قىزى رەسپۋبليكا پرەمەر-ءمينيسترىنىڭ ورىنباسارى قىزمەتىنەن كەتۋ تۋرالى شەشىم قابىلداعان بولاتىن. ايشات بۇل شەشىمىنە تۇسىنىكتەمە بەرىپ, قىزمەتتىڭ «مىقتى تۇلعاعا» ارنالعانىن ايتقان.