قىرعىزستاننىڭ ايىرباستاۋ ورىندارىندا ءىرى كولەمدە ۆاليۋتا اۋىستىرعىسى كەلەتىن ازاماتتاردان قاراجاتتىڭ قايدان الىنعانىن راستاۋ تالاپ ەتىلۋى مۇمكىن. بۇل ەرەجە قىرعىزستان ازاماتتارىمەن قاتار سول ەلدە جۇرگەن قازاقستان ازاماتتارىنا دا قاتىستى, دەپ حابارلايدى Egemen.kz.
قىرعىزستان ۇلتتىق بانكى كىرىستەردى زاڭداستىرۋعا (جىلىستاتۋعا) جانە قارجىلىق قىلمىستارعا قارسى كۇرەس اياسىندا ايىرباستاۋ بيۋرولارىنىڭ جۇمىسىنا قاتىستى جاڭا ەرەجەلەردى بەكىتتى.
جاڭا تالاپتارعا سايكەس, ايىرباستاۋ ورىندارى ءىرى نەمەسە كۇماندى وپەراتسيالار كەزىندە كليەنتتەردىڭ قۇجاتتارىن عانا ەمەس, سونىمەن قاتار اقشانىڭ شىعۋ توركىنىن تەكسەرۋگە قۇقىلى. بۇل شەشىم قارجىلىق اينالىمنىڭ اشىقتىعىن قامتاماسىز ەتۋ ماقساتىندا قابىلدانعان.
ايىرباستاۋ بيۋرولارىنا قانداي مىندەتتەمەلەر جۇكتەلەدى:
كليەنتتەردى سايكەستەندىرۋ: شەتەلدىكتەر مەن جەرگىلىكتى ازاماتتاردىڭ جەكە باسىن كۋالاندىراتىن قۇجاتتاردى مۇقيات تەكسەرۋ; دەرەككوزدى ناقتىلاۋ: قاجەت بولعان جاعدايدا قاراجاتتىڭ قايدان الىنعانى تۋرالى مالىمەت سۇراتۋ; باقىلاۋدى كۇشەيتۋ:ء ىرى كولەمدەگى جانە ەرەكشە (ستاندارتتى ەمەس) وپەراتسيالارعا باسا نازار اۋدارۋ; كۇماندى كەلىسىمدەردى توقتاتۋ: كۇدىكتى ترانزاكتسيالار بولعان جاعدايدا وپەراتسيانى توقتاتىپ, بۇل تۋرالى ۇلتتىق بانككە دەرەۋ حابارلاۋ; مالىمەتتەردى ساقتاۋ: جۇرگىزىلگەن ايىرباستاۋ وپەراتسيالارى تۋرالى دەرەكتەردى كەمىندە بەس جىل بويى مۇراعاتتا ساقتاۋ.قىرعىزستان ۇلتتىق بانكى بەكىتكەن بۇل جاڭا ەرەجەلەر 14 قاڭتاردان باستاپ رەسمي تۇردە كۇشىنە ەنەدى.