الەمنىڭ 71-راكەتكاسى يۋليا پۋتينتسەۆا 2026 جىلعى سپورتتىق ماۋسىمدى ءساتتى باستادى. ول اۆستراليانىڭ بريسبەن قالاسىندا ءوتىپ جاتقان WTA 500 ءتۋرنيرىنىڭ ىرىكتەۋ كەزەڭىندە جەڭىسكە جەتتى, دەپ حابارلايدى Egemen.kz.
Sports.kz تاراتقان مالىمەتكە سۇيەنسەك, يۋليا ىرىكتەۋ كەزەڭىنىڭ جارتىلاي فينالىندا كورت يەسى – اۆستراليالىق پريستسيللا حونمەن (WTA رەيتينگىندە 119-ورىن) كەزدەستى. يۋليا قارسىلاسىنان باسىم ءتۇسىپ, 6:4, 6:3 ەسەبىمەن جەڭىسكە جەتتى.
ەندى ىرىكتەۋ كەزەڭىنىڭ فينالىندا تەننيسشى نەگىزگى جارىسقا جولداما الۋ ءۇشىن تالاسادى. ونىڭ قارسىلاسى وليۆيا گادەتسكي (اۆستراليا) مەن اناستاسيا زاحاروۆا (رەسەي) جۇبىنىڭ جەڭىمپازى بولماق.
ايتا كەتەيىك, بريسبەندەگى جارىستىڭ نەگىزگى كەزەڭى 4-11 قاڭتار ارالىعىندا وتەدى. جۇلدە قورى 1 206 446 دوللارىن قۇرايدى.