جۋالى اۋدانانىڭ ورتالىعى باۋىرجان مومىش ۇلى اۋىلىندا داڭقتى باتىر باۋىرجان مومىش ۇلىنىڭ 115 جىلدىعىنا وراي مەموريالدىق تاقتا ورناتىلدى, دەپ حابارلايدى Egemen.kz.
تاراز گارنيزونىنىڭ تاۋ قورىقشىلارى جەكە پولكى اۋماعىندا ورنالاسقان ەسكەرتكىشتىڭ سالتاناتتى اشىلۋ راسىمىنە قورعانىس ۆەدومستۆوسىنىڭ باسشىسى اۆياتسيا گەنەرال-لەيتەنانتى داۋرەن قوسانوۆ باستاعان پولك باسشىلىعى, جەكە قۇرامى جانە بىرقاتار قارۋلى كۇشتەردىڭ ارداگەرلەرى قاتىستى.
قورعانىس ءمينيسترى ءوز سوزىندە جامبىل وبلىسى الىشەر قىرىقباي ۇلى, اۋەسباي كومەكباي ۇلى, ءامىر جاڭاباي ۇلى, ماقسات تۇرار ۇلى, مۇحيت بالماعامبەت ۇلى, تىلەۋجان قۋاتجان ۇلى جانە ماقسات قۇرمانعازى ۇلى سىندى باتىرلارىمەن ماقتانا الاتىنىن اتاپ ءوتتى.
ونىڭ ايتۋىنشا, بۇل باتىرلار – ءوز حالقىنا ادال قىزمەت ەتكەن, وتان قورعاعان ناعىز پاتريوتتار. قازاقستاندىقتار ەرجۇرەك جاۋىنگەرلەر مەن باۋىرجان مومىش ۇلىنىڭ ەرلىگىن ۇمىتپايدى. وعان حالىق قاھارمانى اتاعىنىڭ بەرىلۋى – حالىقتىڭ باتىردىڭ ەرلىگىنە دەگەن زور قۇرمەتىنىڭ ايقىن كورىنىسى.
ەستەرىڭىزگە سالا كەتسەك, 2025 جىلدىڭ 25 جەلتوقسانىندا ۇلى وتان سوعىسىنداعى كورسەتكەن ەرلىگى مەن باتىلدىعى ءۇشىن قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ جارلىعىمەن باۋىرجان مومىش ۇلىنا حالىق قاھارمانى اتاعى بەرىلىپ, ەرەكشە ايىرىم بەلگىسى – التىن جۇلدىز بەن «وتان» وردەنى تاپسىرىلدى.
جامبىل وبلىسى
جۋالى اۋدانى