قازاقستاننىڭ ەڭبەك سىڭىرگەن قايراتكەرى, قازاق بارد ءانشىسى قوراباي ەسەنوۆ بيىل «پاراسات» وردەنىمەن ماراپاتتالعاندا, بالا كەزدەن بەرگى دوسى, «قۇرمەتتى سپورت قىزمەتكەرى» بەيبىت قاسەنوۆ قاتتى قۋانعانىن بىلەمىز.
بۇلار جاڭاارقا اۋدانى ورتالىعىنداعى ساكەن سەيفۋللين اتىنداعى ورتا مەكتەپتە ءبىر سىنىپتا وقىدى. ەكەۋى دە دومبىرا ۇيىرمەسىنە قاتىسادى. 1965 جىلى وقۋدى بىرگە ءبىتىردى. ەكەۋى دە العاشقىلاردىڭ ءبىرى بولىپ قولدارىنا گيتارا ۇستادى. قوراباي گيتارا تارتۋدى تەز ۇيرەندى, قوڭىر داۋسى اسپاپ ۇنىنە ۇيلەسىپ, تىڭداۋشىلارىن باۋراپ الدى. جەتى ىشەكتەن شىققان جەتى دىبىس ءبىر ارناعا توعىسىپ, ادەمى اۋەنمەن ۇندەستىك تاپقاندا جۇرەكتى شىمىرلاتىپ اكەتەتىن.
قوراباي العاش رەت ينستيتۋت ساحناسىندا «جاس قالام», «قوشتاسۋ» اندەرىن ورىندادى. ۇستازداردىڭ, ستۋدەنتتەردىڭ, قالا حالقىنىڭ الدىنا شىعىپ ورىنداعان وسى ەكى ءانى تىڭداۋشىلاردى جالت قاراتتى.
دوسىنىڭ العاشقى ايتقان ءانى, ساحناعا شىققان ءساتى بەيبىتتىڭ كوز الدىندا. ءسوزى انىق, مۋزىكالىق ىرعاعى جەڭىل سەزىلدى. اسىرەسە ستۋدەنتتەر ولەڭ شۋماقتارىن جىلدام جاتتاپ الىپ, انگە قوسىلدى.
«كەزدەسسەڭ ۇرلانا قارايمىن,
اساۋداي تۋلايدى جاس جۇرەك.
مەن سەنى جانىما بالايمىن,
سەن ءۇشىن مەندە بار ءبىر تىلەك» دەپ «جاس قالام» انىمەن جاستاردىڭ جۇرەگىنە الاۋ جاقتى. ەندى بىردە:
سۇيە المادىق, كەتە المادىق, قيمادىق,
نەگە بىزدەر ءبىر قۇشاققا سيمادىق.
ەكەۋمىزدە ەكى ايىرىلعان وزەندەي,
ماحاباتتى باسقا جانعا سىيلادىق, دەپ «قوشتاسۋ» ءانىن ورىنداپ, تىڭدارمانىن مۇڭايتىپ قوياتىن ەدى. العاش ورىنداعان وسى ەكى انىمەن قوراباي ەلىمىزگە تانىمال گيتاراشى, ءانشى اتاندى, ەلدىڭ قۇرمەتىنە بولەندى.
1970 جىلى ەكەۋى دە جوعارى ءبىلىمدى مامان بولىپ شىقتى.
قورەكەڭ قانداي قىزمەت اتقارىپ جۇرسە دە گيتاراسىن قولىنان تاستامادى. تالعامپاز ءانشى مەملەكەت قايراتكەرى, اقىن كاكىمبەك سالىقوۆتىڭ سوزىنە جازىلعان بەلگىلى كومپوزيتور جاعىپار ءالىمحانوۆتىڭ «ساعىنىش», «جىلجيدى اققۋ» اتتى اندەرىن قۇلپىرتا شىرقاپ, جۇرت جۇرەگىن جاۋلادى.
قوراباي ابىكەن ۇلىنىڭ شەت اۋدانىندا مال وسىرۋمەن اينالىساتىن قوسالقى شارۋاشىلىعى بولدى. ول جىلدارى بەيبىت قاسەنوۆ كارل ماركس سوۆحوزىنىڭ (قازىرگى ەراليەۆ اۋىلدىق وكرۋگى) ديرەكتورى قىزمەتىن اتقاردى.
1986 جىلى قوراباي دوسى «شارۋاشىلىقتى كەڭەيتەمىن, دامىتامىن, مال باسىن كوبەيتەمىن. ماعان كەڭشاردىڭ ايماعىنان مال ازىعىن دايىندايتىن جەر ء بولدىر, ءوزىم شاۋىپ تاسىپ الامىن. ورنىنا سوۆحوز تۇرعىندارىنا ۇن, جەم بوساتايىن» دەگەن ۇسىنىس جاسايدى. ەكى دوس كەلىسىپ, شارۋاشىلىق جۇمىسىن شىر اينالدىرادى.
قازىر قوراباي ەسەنوۆ جاڭاارقا اۋداندىق «اسىل قازىنا» ءانسامبلىنىڭ بەدەلدى مۇشەسى. جىلدا قارتتار كۇنىنە وراي قاريالارعا مادەني قۇرمەت جاسالادى. گيتارامەن ايتقان قوڭىر داۋىسىمەن كونتسەرتتىڭ كوركىن كىرگىزەدى.
اۋەسقوي سازگەر بەيبىت بايبوسىن ۇلى دا كوپشىلىك جينالعان ورتادا ءوزىنىڭ شىعارعان ءانىن ايتىپ, ىستىق ىقىلاسقا بولەنىپ ءجۇر.
ەكى دوس ءومىر مەن ونەر ايدىنىندا قاتار جىلجىپ كەلەدى.
ۇلىتاۋ وبلىسى