قازىرگى تاڭدا جوعارى ءبىلىم بەرۋ سالاسىندا ينتەرناتسيوناليزاتسيا ۇدەرىسى بۇكىل الەمدە قارقىن الىپ كەلەدى. ياعني ستۋدەنتتەر باسقا ەلدەرگە بارىپ وقۋدى ءجيى تاڭدايتىن بولعان. مامانداردىڭ دەرەگىنشە, 2022 جىلى باسقا مەملەكەتتەردە وقۋعا كەتكەن ستۋدەنتتەر سانى 69 ميلليون ادامدى قۇراعان. 2030 جىلعا قاراي شەتەلدە ءبىلىم الاتىن ستۋدەنتتەر سانى ودان دا كوبەيەدى, دەپ جازادى Egemen.kz.
مەملەكەت باسشىسىنىڭ تاپسىرماسىمەن ەلىمىزدە دە ءبىلىمدى ينتەرناتسيوناليزاتسيالاۋ ساياساتى ىسكە اسىپ جاتىر. بۇگىندە قازاقستاندا 40 شەتەلدىك جوعارى وقۋ ورنىمەن ارىپتەستىك ورناتىلعان, ونىڭ ىشىندە 33 شەتەلدىك ۋنيۆەرسيتەتتىڭ فيليالى جۇمىس ىستەيدى. بۇل فيليالدار ەلىمىزدىڭ ءارتۇرلى وڭىرىندە ورنالاسقان. ءاربىر فيليال ايماقتىڭ ەرەكشەلىگى مەن ەكونوميكاسىنىڭ سۇرانىسىنا ساي اشىلعان. سوندىقتان ولاردىڭ ءبىلىم بەرۋ باعدارلامالارى ءبىر-ءبىرىن قايتالامايدى.
«قازاقستانعا شەتەلدىك ستۋدەنتتەردىڭ قىزىعۋشىلىعى ارتىپ كەلەدى. بيىل ەلىمىزگە 35 مىڭنان استام شەتەلدىك ستۋدەنت كەلىپ, بۇل كورسەتكىش ەڭ جوعارى دەڭگەيگە جەتتى. سونىمەن قاتار, بۇرىن نەگىزىنەن تمد ەلدەرىنەن كەلگەن ستۋدەنتتەر باسىم بولسا, قازىر ازيا ەلدەرىنەن كەلەتىن ستۋدەنتتەر سانى ارتتى», دەيدى عىلىم جانە جوعارى ءبىلىم ۆيتسە-ءمينيسترى گۇلزات كوبەنوۆا.
ايتا كەتەيىك, جىل باسىنان بەرى ستۋدەنتتەردى جاتاقحانامەن قامتۋ ماقساتىندا 8 757 ورىندىق 26 جاتاقحانا پايدالانۋعا بەرىلگەن.