بۇگىن ۇكىمەت وتىرىسىندا تۋريزم جانە سپورت ءمينيسترى ەربول مىرزابوسىنوۆ ەل سپورتشىلارىنىڭ XXV قىسقى وليمپيادا ويىندارىنا ارنالعان كيىمدەرىنىڭ ۇلگىسى بەكىتىلگەنىن مالىمدەدى, دەپ جازادى Egemen.kz.
سپورتتىق كيىمدەردىڭ تالاپقا ساي بولۋىن قاداعالاۋ ماقساتىندا ۇلتتىق وليمپيادا كوميتەتى, ۆەدومستۆولىق باعىنىستى ۇيىمدار وكىلدەرى مەن بەلگىلى سپورتشىلاردىڭ قاتىسۋىمەن جۇمىس كوميسسياسى قۇرىلعان.
قازىر كوميسسيا سپورتتىق كيىم-كەشەكتىڭ ۇلگىسىن بەكىتىپ, حالىقارالىق وليمپيادا كوميتەتىنىڭ باقىلاۋىنا ۇسىنعان.
بيىل ەل سپورتىندا قانداي تاريحي جەڭىستەر تىركەلدى؟
كيىم-كەشەك جيىنتىعىنا سپورتشىلاردىڭ قىسقى وليمپيادانىڭ اشىلۋ جانە جابىلۋ سالتاناتىنا قاتىسۋعا ارنالعان كيىم فورماسى, سونداي-اق سپورتتىق ءىس-شارا كەزىندە پايدالانۋعا ارنالعان جىلى سىرت كيىم كىرەدى. سونداي-اق سپورتتىق جاتتىعۋلارعا, دەنە قىزدىرۋعا جانە كۇندەلىكتى قولدانۋ ءۇشىن سپورتشىلارعا ارنالعان جاتتىعۋ جانە كۇندەلىكتى كيىمدەر كىرەدى.
«جالپى, سپورتتىق كيىم-كەشەكتەر جيىنتىعى 22 اتاۋدى قامتيدى. فورما بيۋدجەتتەن تىس قاراجات ەسەبىنەن ساتىپ الىندى», دەدى ەربول مىرزابوسىنوۆ.