پرەزيدەنت بيىلعى جولداۋىندا قازاقستاندى الداعى ءۇش جىلدىڭ ىشىندە تولىق تسيفرلىق مەملەكەتكە اينالدىرۋ جونىندە ستراتەگيالىق مىندەت قويعان ەدى. ەلىمىزدىڭ تسيفرلىق ەكوجۇيەسىن قالىپتاستىرۋ اياسىندا قىرۋار شارۋا اتقارىلدى. سالاداعى ىلكىمدى ناتيجەلەردى پرەزيدەنتتىڭ كومەكشىسى – ءباسپاسوز حاتشىسى رۋسلان جەلدىباي تەلەگرام ارناسىندا جاريالادى, دەپ جازادى Egemen.kz.
«جاساندى ينتەللەكت تۋرالى» زاڭنىڭ قابىلدانۋى – اتالعان سالاداعى جاڭالىقتىڭ ءبىرى. وسىلايشا, قازاقستان جي سالاسىنداعى قوعامدىق قاتىناستاردى رەتتەۋگە زاڭ جۇزىندە نەگىز قالاعان الەمدەگى العاشقى ەلدەردىڭ قاتارىنا ەندى.
اتالعان سالاداعى مەملەكەتتىك ساياساتتى ۇيلەستىرۋ ماقساتىندا جاساندى ينتەللەكت جانە تسيفرلىق دامۋ مينيسترلىگى قۇرىلدى.
پرەزيدەنت شىلدە ايىندا استانادا اlemcloud ۇلتتىق سۋپەركومپيۋتەرىن رەسمي تۇردە ىسكە قوستى. قاراشا ايىنداعى تەستىلەۋ ناتيجەسىندە اتالعان جۇيە سۋپەركومپيۋتەرلەردىڭ الەمدىك TOP-500 رەيتينگىندە 86-ورىنعا يە بولدى.
«قازاقتەلەكوم» اق الماتىعا ەكىنشى Al‑Farabium سۋپەركومپيۋتەرىن جەتكىزدى. ول جاھاندىق رەيتينگتە 103-ءشى ورىنعا تابان تىرەدى. پرەزيدەنت, ەڭ الدىمەن, بىلىكتى ماماندار دايارلاۋعا باسا ءمان بەرۋ قاجەت دەپ سانايدى. سوندىقتان ەلىمىزدە جي سالاسىنداعى ارناۋلى زەرتتەۋ ۋنيۆەرسيتەتىن قۇرۋدى ۇسىندى.
استانادا Alemai حالىقارالىق جاساندى ينتەللەكت ورتالىعى اشىلدى.
ستۋدەنتتەرگە ارنالعان AI-Sana باعدارلاماسى باستالدى. سول ارقىلى قازىردىڭ وزىندە 440 مىڭنان استام ستۋدەنت جي سالاسىن مەڭگەردى.
جاساندى ينتەللەكت سالاسىنداعى العاشقى قازاقستاندىق ء«سىڭارمۇيىز» ستارتاپ – Higgsfield AI پايدا بولدى. بۇل دا ايتۋلى جاڭالىق بولىپ وتىر.
ال بيىل ەل ەكونوميكاسىنداعى ءوسىم سوڭعى ون جىلداعى ەڭ جوعارى كورسەتكىشكە جەتتى.