يننوۆاتسيانى ەنگىزۋدىڭ ءبىرىنشى كەزەڭى رەتىندە ارنايى سىناق پوليگونى مەن «رەگۋلياتورلىق قۇمسالعىش» (پەسوچنيتسا) قۇرىلماق. بۇل مەحانيزم قولدانىستاعى زاڭنامانى جاڭا تەحنولوگياعا بەيىمدەۋگە جانە قالا ينفراقۇرىلىمىن پيلوتسىز كولىكتەردىڭ قوزعالىسىنا ساقاداي ساي دايىنداۋعا مۇمكىندىك بەرەدى.
سىناقتان وتەتىن العاشقى باعىت رەتىندە استانا اۋەجايى مەن «Abu Dhabi Plaza» ساۋدا ورتالىعىنىڭ اراسىنداعى جول تاڭدالىپ الىندى. بۇل باعىت بويىنشا الەمنىڭ ەڭ دامىعان مەگاپوليستەرىندە قولدانىلىپ جۇرگەن, ءوزىن-ءوزى باسقاراتىن جوعارى تەحنولوگيالىق كولىكتەر قاتىنايتىن بولادى.
استانادا العاش رەت جۇرگىزۋشىسى جوق اۆتوموبيل سىناقتان وتكىزىلدى
قازىرگى ۋاقىتتا مەملەكەتتىك ورگاندار نورماتيۆتىك-قۇقىقتىق اكتىلەرگە قاجەتتى وزگەرىستەر ەنگىزۋ بويىنشا جۇمىس ىستەپ جاتىر. سونىمەن قاتار قالا ينفراقۇرىلىمىنىڭ تەحنيكالىق دايىندىعىنا جان-جاقتى باعالاۋ جۇرگىزىلىپ جاتىر. بۇل شارالار پيلوتسىز تاكسيلەردىڭ قاۋىپسىزدىگىن قامتاماسىز ەتىپ, ولاردى قالانىڭ كولىك جۇيەسىنە تولىقتاي ينتەگراتسيالاۋدى كوزدەيدى.