28 جەلتوقساننان 29 جەلتوقسانعا قاراعان ءتۇنى قازاقستاندىق ارالاس جەكپە-جەك شەبەرى جالعاس جۇماعۇلوۆ Oktagon تۋرنيرىندە چەمپيوندىق بەلبەۋىن قورعاۋ ءۇشىن كەزدەسۋ وتكىزدى. چەحيانىڭ پراگا قالاسىندا وتكەن جەكپە-جەكتە وتانداسىمىزدىڭ قارسىلاسى چەح داۆيد دۆوراك بولدى, دەپ جازادى Egemen.kz.
OKTAGON MMA 81 تۋرنيرىندە جالعاس جۇماعۇلوۆ ماۋسىم ايىندا جەڭىپ العان اتاعىن العاش رەت قورعاۋعا شىقتى. تاجىربيەلى مما شەبەرى داۆيد دۆوراكپەن وتكەن تارتىستى جەكپە-جەك جالعاس جۇماعۇلوۆتىڭ جەڭىسىمەن اياقتالدى.
وتانداسىمىزدىڭ چەمپيون ەكەنىنە قاراماستان سپورت ساراپشىلارى داۆيد دۆوراكتى كەزدەسۋ ءفاۆوريتى دەپ تانىعان بولاتىن.
دەگەنمەن چەح فايتەرى ءتورتىنشى راۋندتا جەكپە-جەكتى جالعاستىرۋدان باس تارتىپ, جەڭىس جالعاس جۇماعۇلوۆتىڭ ەسەبىنە جازىلدى.
وسىلايشا, جۇماعۇلوۆ ون توعىزىنشى جەكپە-جەگىن ءساتتى اياقتاسا, داۆيد دۆوراك سپورتتىق مانسابىندا جەتىنشى رەت جەڭىلىسكە ۇشىرادى.
قاراشا ايىندا UFC-دە ونەر كورسەتەتىن وتانداسىمىز اسۋ الماباەۆ UFC Fight Night 265 تۋرنيرىندە امەريكالىق الەكس پەرەستى جەڭگەن ەدى.
ەندى اسۋ الماباەۆ كەلەسى جەكپە-جەگىندە جەڭىسكە جەتسە ديۆيزيوننىڭ ۇزدىك بەستىگىنە ەنۋى ىقتيمال.