باسەكەلەستىكتى قورعاۋ جانە دامىتۋ اگەنتتىگىنىڭ شىمكەنت قالاسى بويىنشا دەپارتامەنتى بيىل 7 تەرگەپ-تەكسەرۋ شاراسىن جۇرگىزدى. تەكسەرۋ قورىتىندىسى بويىنشا, شىمكەنت اۋەجايىنىڭ اۆياوتىندى ساتۋ قىزمەتىندە زاڭ بۇزۋشىلىقتار انىقتالدى. اۋەجاي ادەيى جوعارى باعا قويۋ ارقىلى نەگىزسىز تابىس تاپقان. ىستە قىلمىستىق قۇقىق بۇزۋشىلىق بەلگىلەرى بولعاندىقتان, بارلىق ماتەريالدار ەكونوميكالىق تەرگەپ-تەكسەرۋ دەپارتامەنتىنە جولدانعان.
سونىمەن قاتار «Shymkent» الەۋمەتتىك كاسىپكەرلىك كورپوراتسياسىنىڭ (اكك) دا زاڭسىز ارەكەتتەرى اشكەرەلەندى. انىقتالعانداي, اكك «كازسبىتگرۋپپ» جشس-مەن كەلىسىمشارت جاساسىپ, قالانىڭ يندۋستريالىق ايماقتارىن ەنەرگيامەن قامتۋدان تۇسكەن تابىستىڭ 50%-دان استامىن ءوز پايداسىنا الىپ وتىرعان. بۇل ارەكەتى ارقىلى نارىققا باسقا سۋبەكتىلەردىڭ كىرۋىنە كەدەرگى كەلتىرىپ, باسەكەلەستىكتى شەكتەگەن. ناتيجەسىندە كورپوراتسياعا 14 ملن تەڭگەدەن استام ايىپپۇل سالىنىپ, بيۋدجەتكە تولىق وندىرىلگەن.
جالپى دەپارتامەنت وندىرگەن ايىپپۇلداردىڭ سوماسى بۇگىندە 36 ملن تەڭگەدەن استى.