قازاقستاندىقتار مەن دوستاستىق ەلدەرىنىڭ وكىلدەرى ەلباسىمىزدى قۇتتىقتاۋدا
مەملەكەت باسشىسىنىڭ اتىنا ەلوردا كۇنىنە جانە قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆتىڭ مەرەيجاسىنا بايلانىستى قازاقستان ازاماتتارى مەن ۇيىمدارىنان كوپتەگەن قۇتتىقتاۋ جەدەلحاتتار مەن حاتتار كەلىپ تۇسۋدە.
ء“سىز ءبىزدىڭ رەسپۋبليكامىزدىڭ دامۋىنا جانە وركەندەۋىنە باعا جەتكىزگىسىز ۇلەس قوستىڭىز, ءسىزدى – ەلباسى دەپ تانۋ, سونداي-اق, ءسىزدىڭ اتىڭىزبەن حالىقارالىق دەڭگەيدەگى جاڭا ۋنيۆەرسيتەتتىڭ اتالۋى – ءسىزدىڭ قىزمەتىڭىزگە بەرىلگەن لايىقتى باعا”, – دەپ جازادى قازاقستان رەسپۋبليكاسىنىڭ حالىق ءارتىسى, 94 جاستاعى اقساقال وراز ابىشەۆ.
ۇلى وتان سوعىسىنىڭ ارداگەرى, سوتسياليستىك ەڭبەك ەرى, وسكەمەندىك بوشاي كىتاپباەۆ تۇڭعىش پرەزيدەنتكە دەگەن جۇرەكجاردى تىلەگىن ءبىلدىرگەن حاتىندا: “ەلىمىزدىڭ بۇگىنگى وركەندەۋى, تاۋەلسىزدىگىمىزدىڭ تۇعىرلانۋى, ەلدىگىمىزدىڭ الەمگە جاريا بولۋى – ءسىزدىڭ ارقاڭىزدا! بەيبىت ەلىمىز دامىپ, وركەندەي بەرسىن!”, – دەپ جازادى.
بەلگىلى قوعام قايراتكەرى ماقتاي ساعديەۆ تە مەملەكەت باسشىسىن 70 جاسقا تولعان مەرەيتويىمەن اعىنان جارىلا قۇتتىقتاپتى: “جەتپىسكە اركىم كەلەدى. بىراق تاعدىردىڭ جازۋىمەن, ءتاڭىردىڭ سىيىمەن قازاق ەلى تاريحىنىڭ ەڭ ءبىر تولاعاي تۇلعاسىنا اينالعان ءسىزدىڭ جەتپىسىڭىزدىڭ ءجونى بولەك. ويتكەنى, تاۋەلسىز قازاقستاننىڭ جاڭا تاريحى تۇگەلدەي ءسىزدىڭ ەسىمىڭىزبەن بايلانىستى. جاستايىڭىزدان اتقا قوندىڭىز. ۇلكەن شىڭدالۋ مەكتەبىنەن ءوتتىڭىز. ءسويتىپ, تاريحتىڭ سىن ساعاتى سوققاندا تۋعان حالقىڭىزدىڭ كورەگەن كوشباسشىسىنا, تۇعىرى بيىك قايراتكەرىنە اينالدىڭىز. حالقىڭىزدى تالقىسى مول قيىندىقتاردان الىپ شىعاتىن, نۇرلى بولاشاققا باستايتىن تاريح تاڭداۋى سىزگە ءتۇستى”.
كوپتەگەن قۇتتىقتاۋلار ەڭبەك جانە سوعىس ارداگەرلەرىنەن كەلدى. ولاردىڭ قاتارىندا جامبىل وبلىسىنان ۇلى وتان سوعىسىنىڭ ارداگەرى ا.وتەۋلين, استانادان تىل ارداگەرى ايمان نۇرقاسىموۆا, وڭتۇستىك قازاقستان وبلىسىنداعى قازىعۇرت اۋدانىنىڭ قۇرمەتتى ازاماتى ەدىگەن جۇنىسبەكوۆ, الماتى وبلىسىنداعى رايىمبەك اۋدانىنىڭ قۇرمەتتى ازاماتى سوۆەت ورازاەۆ, ورالدان تەمىربولات قۇباشەۆ, استانالىق زەينەكتەر سوتسيال قۇمارتەگى جانە قىزىلوردادان ت.سىرلىباەۆ بار.
پرەزيدەنتتى “استانا قالاسىنداعى زەينەتكەرلەر قوعامى” قوعامدىق بىرلەستىگىنىڭ ديرەكتورى اللا پۋستورجەۆسكايا قۇتتىقتادى. “ۋاقىت ءسىزدىڭ دانا كورەگەندىگىڭىزبەن 1998 جىلى استانانى قازاقستاننىڭ ورتالىعىنا اۋىستىرۋ تۋرالى باتىل شەشىمىڭىزدىڭ دۇرىستىعىن ءدالەلدەدى. الەمدىك داعدارىستىڭ اۋىر جىلدارىندا قاتال دالا توسىندە, وبلىس ورتالىعى – اقمولادا قىسقا مەرزىمدە, ءسوز جوق, عاجايىپ, بەينە-ءبىر ەرتەگىدەگىدەي ءسىزدىڭ ارمانىڭىزداعى قالا ورنىققانى تاڭداندىرادى”, – دەلىنگەن ونىڭ حاتىندا.
الماتى قالاسىنان حات جولداعان سۇلتان جيەنباەۆ ەلباسىنىڭ ەلوردانى ارقا توسىنە كوشىرۋدەگى ەرلىگىنە ريزالىعىن بىلاي جەتكىزىپتى: “كەزىندە استانانى الماتى قالاسىنان اقمولاعا اۋىستىرۋدىڭ ءمانىن كوپ ادام تۇسىنبەدى, بىراق ۋاقىت بۇل شەشىمنىڭ ورىندى بولعانىن دالەلدەپ بەردى. بۇل ماسەلەدە ءسىزدى ساز باتپاقتىڭ ۇستىنە كەرەمەت قالا تۇرعىزعان ءى پەترمەن عانا سالىستىرۋعا بولادى”.
اتىراۋدان سوعىس جانە ەڭبەك ارداگەرى وڭايباي كوشەكوۆ, ەڭبەك ارداگەرى امانگەلدى سەلباەۆ جانە كومپوزيتور يليا جاقانوۆ ۇجىمدىق قۇتتىقتاۋ جولداعان. “بۇگىندە سان-سالالى دامۋىمىزدىڭ ورلەۋىنە باسشىلىق ەتىپ, قازاقستاننىڭ بەدەلىن بۇكىل الەمگە تانىتىپ, بولاشاعىمىزدى جارقىن ەتىپ, ۇلتىمىزدىڭ شىن مانىندەگى كەمەڭگەر كوشباسشىسىنا اينالدىڭىز. ءبىز ءسىز باستاعان تاريحي ۇلى ىستەردىڭ ورتاسىندا جۇرگەنىمىزدى ماقتان تۇتامىز جانە بار كۇش-جىگەرىمىزدى ءسىز كورسەتكەن مىندەتتەردى ورىنداۋعا ارنايمىز”, – دەلىنگەن حاتتا.
پرەزيدەنت پوشتاسىندا ەڭبەك ۇجىمدارىنان كوپتەگەن قۇتتىقتاۋلار بار. ولاردىڭ قاتارىندا ءۇلبى مەتاللۋرگيالىق زاۋىتىنىڭ ۇجىمى, “سەمەي ماشينە جاساۋ زاۋىتى” اق, سونداي-اق, وسكەمەن قالاسىنان “كەمونت” اق جۇمىسشىلارى مەن پەتروپاۆل قالاسىنان “ۆينزاۆود” جشس ەڭبەككەرلەرى بار.
قۇتتىقتاۋ جەدەلحاتتارىن “قازفوسفات” جشس باسقارما توراعاسى ماقسۇتبەك ەسەنوۆ پەن باس ديرەكتورى مۇقاش يسكانديروۆ, “ۆوستوكماشزاۆود” اق باس ديرەكتورى لەونيد بەردۋس, ماڭعىستاۋ وبلىسىنان ەڭبەك سىڭىرگەن مۇنايشى قۋانىشنياز توقپانوۆ, “ازيا-اۆتو” اق ديرەكتورلار كەڭەسىنىڭ توراعاسى اناتولي بالۋشكين مەن وسى اق-تىڭ پرەزيدەنتى ەرجان مانديەۆ جولدادى.
قازاقستان رەسپۋبليكاسى كاسىپوداقتار فەدەراتسياسىنىڭ توراعاسى سيازبەك مۇقاشەۆ بىلاي دەپ وي تولعاپتى: “مەملەكەتىمىزدىڭ ءمۇددەسى ءۇشىن ناعىز تاريحي شەشىمدەر قابىلداپ كەلەسىز. ءسىزدىڭ قول جەتكىزگەن جەتىستىكتەرىڭىز تەك قانا قازاقستان حالقىنىڭ ەمەس, مۇسىلمان جانە تۇركى تىلدەس ەلدەردىڭ دە ورتاق ماقتانىشىنا اينالىپ وتىر. وعان ءبىز كۋامىز. بۇگىنگى جەتىستىكتەرىمىز – ەرتەڭگى تولاعاي تابىستارىمىزدىڭ ىرگەتاسى. ونىڭ ابىرويمەن اتقارىلۋى – ءسىز باستاعان قازاقستاننىڭ بارشا ازاماتتارىنىڭ مارتەبەلى مىندەتى”.
“مەنىڭ انام رەسەيدە تۇرادى. مەن قازاقستان تۋرالى, شىعارماشىلىعىمدى جۇزەگە اسىرا الاتىن مەنىڭ قالام اقتاۋ تۋرالى وعان ايتقانىمدا, ول قۋانادى. مەنىڭ انام ماعان:
– ۆەرا, شىن مانىندە, سەن ۇلى ەلدە ءومىر ءسۇرىپ جاتىرسىڭ! – دەيدى.
مەن وسىنداي ەلدە تۇرىپ جاتقانىما باقىتتىمىن جانە مۇنداي باقىتتى مەنىڭ بالالارىم دا سەزىنسە ەكەن دەيمىن”, – دەپ جازادى اقتاۋ قالاسىنان ۆەرا بينديۋگ.
مەملەكەت باسشىسىنىڭ اتىنا حاتتار ماڭعىستاۋ وبلىسىنداعى بالالار قۇقىعىن قورعاۋ جونىندەگى دەپارتامەنت ديرەكتورى كلارا شكودينادان, وبلىستىق ارداگەرلەر كەڭەسىنىڭ مۇشەسى, اقتاۋ قالاسىنىڭ قۇرمەتتى ازاماتى ءجاميلا عابيتوۆادان, ەكونوميكالىق ليتسەي ديرەكتورى ليۋدميلا ريابوۆويدان, سونداي-اق بوكستان الەم چەمپيونى ەردوس جاڭابەرگەنوۆتەن كەلدى. ولار: ء“بىزدىڭ ەلىمىزدىڭ جانە سۇيىكتى ەلوردامىز – استانانىڭ جاڭعىرۋى, ەكونوميكالىق, ساياسي جانە الەۋمەتتىك سالاداعى جەتىستىكتەر اۋقىمى ماقتانىش پەن پاتريوتيزم سەزىمىن تۋدىرماۋى مۇمكىن ەمەس. ەڭ باستىسى, سىزگە – ءبىزدىڭ پرەزيدەنتىمىزگە – ەلباسىنا العىسىمىز شەكسىز”.
“ەلىمىزدە ءسىز ورناتقان بەيبىتشىلىك پەن كەلىسىم ارقاسىندا ءاربىر قازاقستاندىق ءار سالادا ءوزىنىڭ قابىلەتىن تانىتىپ, جەمىستى ەڭبەك ەتۋ مۇمكىندىگىنە يە بولدى. ءسىزدىڭ سارابدال ساياساتىڭىزدىڭ شاپاعاتى تيگەن كوپتىڭ ءبىرى مەن سوڭعى 20 جىلدا 5 رومان جازىپ, جارىققا شىعاردىم. كوپ كوڭىلىنەن شىققان كوركەم شىعارمالارىمنىڭ الدى پاريجدە, ماسكەۋدە, سوڭى ورتا ازيا رەسپۋبليكالارىندا جەكە كىتاپ بولىپ شىعىپ, الەمنىڭ ايگىلى ادەبيەتشىلەرىنەن جوعارى باعا الدى. سول جەتىستىكتەرىم ءۇشىن سىزگە, ءسىزدىڭ ەلىمىزدى وركەندەتكەن دانا ساياساتىڭىزعا قارىزدارمىن. ولاي دەيتىنىم, وتانىمىز 20 جىلدا 20 عاسىرلىق تابىسقا جەتپەسە, كەيبىر ەلدەر قۇساپ بەرەكە, بىرلىكتەن ايىرىلىپ قالسا, مۇنشالىقتى ءونىمدى ەڭبەك ەتە الماس ەدىم”, – دەيدى ءوزىنىڭ ەلباسىنا الماتىدان جولداعان قۇتتىقتاۋ حاتىندا جازۋشى ءسابيت دوسانوۆ.
“قازرەنا” قازاقستاننىڭ عىلىمي-اعارتۋشىلىق كومپيۋتەرلىك جەلىسىن پايدالانۋشىلار قاۋىمداستىعىنىڭ اتىنان نۇرسۇلتان ءابىش ۇلىن مەرەكەسىمەن ديرەكتور بوريس جاپاروۆ قۇتتىقتايدى. ء“سىزدىڭ حالىقارالىق اۋقىمداعى ستراتەگيالىق ماقساتتارعا جەتۋدەگى جوعارى بەدەلىڭىزدىڭ, العىر دا دانا ساياساتىڭىزدىڭ ارقاسىندا ءبىزدىڭ قاۋىمداستىق ماقساتى ورتالىق ازيا مەن زاكاۆكازە ەلدەرىندە عىلىم مەن ءبىلىم سالاسىن قولداۋ بولىپ تابىلاتىن ناتو-نىڭ عىلىم كوميتەتىنىڭ “بەينەلىك جىبەك جولى” جوباسىنا قاتىساتىن بولدىق”, – دەلىنگەن ونىڭ حاتىندا.
اكادەميك عايرات ساپارعاليەۆ ءوز قۇتتىقتاۋىندا بىلاي دەپ جازادى: ء“سىز – جاڭا مەملەكەتتى قۇرۋشىسىز. ءسىزدىڭ يدەياڭىز بەن ءىس ءجۇزىندەگى باسشىلىعىڭىز ارقاسىندا قازاقستان وركەندەدى. حالىق ەرەن جەتىستىكتەردىڭ بارىنە ءسىزدىڭ يدەياڭىزبەن جانە ءىس جۇزىندەگى باسشىلىعىڭىزبەن قول جەتكىزدى. ءسىز, نۇرسۇلتان ءابىش ۇلى, حالىقارالىق دەڭگەيدەگى تانىمال ساياساتكەرسىز”.
سونداي-اق, تۇركىستان قالاسىندا تۇراتىن ارداقتى اقساقالىمىز, قر ۇلتتىق عىلىم اكادەمياسىنىڭ اكادەميگى راحمانقۇل بەردىباي ءوزىنىڭ جەدەلحاتىندا ەلباسىن مەرەيتويىمەن قىزۋ قۇتتىقتاي كەلە, اق باتاسىن بىلايشا اقتارىپتى: “حالقىمىزعا اسا قادىرلى, دارىندى پرەزيدەنتىمىز نۇرسۇلتان! مەرەيتويىڭ قۇتتى بولسىن! ءومىر-جاسىڭ ۇزاق بولسىن! العا قويعان ماقساتتارىڭ ورىندالا بەرسىن!”
قر ۇلتتىق عىلىم اكادەمياسىنىڭ اكادەميكتەرى سەرىك قيراباەۆ پەن ءاليا بەيسەنوۆا دا مەملەكەت باسشىسىن جەتپىستى باعىندىرعان مەرەيلى كۇنىمەن قۇتتىقتاپ, جەدەلحات جولداپتى. “تاۋەلسىز قازاقستاننىڭ ورنىعۋى مەن بۇگىنگى جەتكەن بيىگى تۇگەلدەي ءسىزدىڭ ادال ەڭبەگىڭىز. حالقىڭىز قۇرمەتتەپ, ەلباسى اتاندىردى. ۇزاق ءومىر ءسۇرىپ, ەلىڭىزدى العا باستاي بەرۋىڭىزگە تىلەكتەسپىز”, – دەپ جازادى اكادەميكتەر.
“اسا قۇرمەتتى نۇرسۇلتان ءابىش ۇلى, ءسىزدىڭ ەڭبەك جولىڭىز – ءوز حالقىنا, ونىڭ مۇددەسىنە ءمىنسىز قىزمەت جاساۋدىڭ جارقىن مىسالى. ءسىز – جاڭا قوعامدىق قۇرىلىس, جاڭا مەملەكەت, جاڭا قازاقستان قۇرعان ەلباسىسىز. ءسىزدىڭ پرەزيدەنتتىك قىزمەتىڭىزدى الەم جوعارى باعالادى, ءبىزدىڭ حالقىمىز ءوز بولاشاعىن سىزبەن بايلانىستىرا قارايدى”, – دەپ جازادى قاراعاندى قالاسىنىڭ قۇرمەتتى ازاماتى س.دوسماعامبەتوۆ.
ەلوردا كۇنىمەن جانە پرەزيدەنتتىڭ مەرەيجاسىمەن الەۋمەتتىك جانە ءبىلىم سالاسىنىڭ قىزمەتكەرلەرى قۇتتىقتايدى. ولاردىڭ قاتارىندا الماتى قالاسىنىڭ بالالار قۇقىعىن قورعاۋ جونىندەگى دەپارتامەنتىنىڭ قىزمەتكەرلەرى, “كوررەكتسيالىق پەداگوگيكا ۇلتتىق عىلىمي-پراكتيكالىق ورتالىعى” مم ۇجىمى, كسرو مەديتسيناسىنىڭ ۇزدىگى قۇلتاس اشىرباەۆ, سولتۇستىك قازاقستان وبلىسىنىڭ قىزىلجار اۋدانىنداعى بەسكول ورتا مەكتەپ-گيمنازياسىنىڭ ۇستازدارى, استانا قالاسىنداعى ينتەرنات-ءۇيىنىڭ ديرەكتورى ب.نارباەۆ, وقو بالالار قۇقىعىن قورعاۋ جونىندەگى دەپارتامەنت ديرەكتورىنىڭ مىندەتىن اتقارۋشى د.ماۋلەنوۆ, قوستاناي قالاسى ورتا مەكتەبىنىڭ تۇلەكتەرى, بەسقاراعاي اۋىلىنداعى بالالار باقشاسى تاربيەلەنۋشىلەرىنىڭ اتا-انالارى بار.
ءوز قۇتتىقتاۋلارىن, سونداي-اق م.وسپانوۆ اتىنداعى قوعامدىق قور, قازاقستان حالقى اسسامبلەياسىنىڭ شىعىس قازاقستان وبلىسى, سەمەي قالاسى بويىنشا قوعامدىق كەڭەسىنىڭ توراعاسى اناتولي ەرەمەنكو, “جاسىل ەل” جاستار ەڭبەك وتريادتارى رەسپۋبليكالىق شتابىنىڭ جەتەكشىسى يسكاندير ساليحودجاەۆ, اقمولا وبلىسىنداعى “حالىققا قىزمەت كورسەتۋ ورتالىعى” مم ۇجىمى, د.ا.قوناەۆ اتىنداعى حالىقارالىق قوردىڭ پرەزيدەنتى ەلدار قوناەۆ جولداعان.
مەملەكەت باسشىسىنىڭ اتىنا كوپتەگەن حاتتار مەن جەدەلحاتتار قاراپايىم قازاقستاندىقتاردان – تالدىقورعاننان شاحنازار ەرلان ۇلى, الماتىدان نۇرتىلەۋ ءباتىر ۇلى, پاۆلوداردان سەرعازى قىرىقباەۆ, اقتاۋ قالاسىنان ەلامان وڭداعانوۆ, ماڭعىستاۋ وبلىسىنان شىنار كەندىنقىزى, جولداسبەك ىنتىماقوۆ, شىعىس قازاقستان وبلىسى ريددەر قالاسىنان ك.ەستاەۆا, الماتىدان ەرمەك قايىڭباي ۇلى مەن سۆەتلانا ساعىندىققىزى, وسكەمەننەن ەركەش بەيسەنوۆا, سەمەي قالاسىنىڭ تۇرعىندارى گ.بوگومولوۆا مەن ب.بوتانتاەۆا, كوپ بالالى وتباسى قالتاەۆتار, يتەعۇلوۆتار, قاپىشەۆتار, ىدىرىسوۆتار وتباسىنان, شىعىس قازاقستان وبلىسى, ءۇرجار اۋدانىنىڭ تۇرعىندارىنان, سونداي-اق شىعىس قازاقستان وبلىسى, شەمونايحا اۋدانىنداعى “قامىستى” شارۋا قوجالىعىنىڭ جەتەكشىسى ۆ.اكۋلوۆتان كەلدى.
شىعىس قازاقستان وبلىسى, زايسان اۋدانىنان اۋداندىق اقساقالدار القاسىنىڭ توراعاسى, ەڭبەك ارداگەرى تۇتقان مىرزاحانوۆ, ۇلى وتان سوعىسىنىڭ ارداگەرى بايعانبەك قۇداباەۆ, جازۋشى قاليبەك التىباەۆتار دا جەدەلحات جولداپ, مەملەكەت باسشىسىن اۋدانداعى اقساقالدار اتىنان قۇتتىقتاپتى: “بيىلعى جىلى قازاقستان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ توراعاسى رەتىندە بيىك تۇعىرعا كوتەرىلدى. ازيا, تمد ەلدەرىنىڭ اراسىندا العاشقى بولىپ ەۋروپا تورىنە شىقتى. باتىس تا, شىعىس تا مويىنداپ, ساناساتىن, قۇرمەتتەيتىن ەل بولدىق. بۇل – ەلدىڭ تۇڭعىش پرەزيدەنتى, ۇلتىمىزدىڭ ۇلى پەرزەنتى, ادامزات تاريحىنان لايىقتى ورىن الاتىن – ءسىزدىڭ ەرەن ەڭبەگىڭىزدىڭ ناتيجەسى”.
ال شىمكەنت قالاسىنان تىلەك بىلدىرۋشىلەر – وبلىستاعى ازاماتتىق اليانس پرەزيدەنتى ك.اليپوۆا, بالالار قۇقىعىن قورعاۋ دەپارتامەنتىنىڭ ديرەكتورى ع.ءجۇسىپوۆا, ساياسي قۋعىن-سۇرگىن قۇرباندارى مۇراجايىنىڭ ديرەكتورى, بەلگىلى اقىن ح.ەسەنقاراەۆا جانە الەمگە ايگىلى گيمناست ءا.يۋسۋپوۆا: “قازاقستان حالقىنىڭ دامىعان ەلدەرمەن يىق تىرەسىپ, وزىق ۇلت وكىلدەرىمەن تەرەزەسى تەڭەلگەنىن ءاربىر قازاقستاندىق ەلباسىنىڭ كورەگەندىكپەن جۇرگىزگەن سارا ساياساتىنىڭ ارقاسىندا كەلگەن باق دەپ بىلەدى”, – دەيدى قۇتتىقتاۋشىلار.
قازاقستاننىڭ حالىق ءارتىسى, بەلگىلى سازگەر بازارباي جۇمانيازوۆ تا اقتارىلىپ شىققان اق تىلەگىن جەدەلحات ارقىلى جولداي وتىرىپ: ء“داۋىردىڭ عۇلاما, دارحان داناسى, قازاقتىڭ باعىنا تۋعان قۇدىرەتتى قىرانىم, توقتاما, سامعاي بەر, سامعاي بەر!”, – دەپ جىگەرگە تولى ءسوز ارناپتى.
تاعدىر تاۋقىمەتىمەن دۇنيەنىڭ تۇكپىر-تۇكپىرىنە تارىداي تاراپ كەتكەن, اتاجۇرتتان جىراق جۇرسە دە ونداعى جاڭالىققا قۇلاعىن ءتۇرىپ, ەلەڭدەپ وتىراتىن قانداستاردان دا قۇتتىقتاۋلار كوپتەپ كەلۋدە.
سولاردىڭ بىرىندە: “مەملەكەتتىك “مادەني مۇرا” باعدارلاماسىنىڭ اياسىندا موڭعولياداعى قازاقتاردىڭ مادەنيەتىن زەرتتەۋ, جيناقتاۋ, قايتا جاڭعىرتۋدا دايەكتى شارالار جۇزەگە اسىرىلسا ەكەن. حالقىڭىزبەن بىرگە باقىت پەن بەرەكەگە كەنەلە بەرىڭىز”, – دەپ تىلەك ءبىلدىرىپتى موڭعوليانىڭ بايان-ولگەي ايماعىنان ۇستاز عازيزا ساعدولداقىزى.
مەملەكەت باسشىسىنىڭ پوشتاسىنا كەڭەيتىلگەن كوررەسپوندەنتسيالار تمد ەلدەرىنىڭ رەسمي ادامدارىنان, ازاماتتار مەن ۇيىمداردان كەلىپ ءتۇستى.
رەسەي فەدەراتسياسى فەدەرالدىق جينالىسى فەدەرالدىق كەڭەسىنىڭ توراعاسى س.م.ميرونوۆ مەملەكەت باسشىسىن 70 جىلدىق مەرەيجاسىمەن شىن جۇرەكتەن قۇتتىقتادى. “فەدەرالدىق كەڭەستە ءسىزدى رەسەي فەدەراتسياسى مەن قازاقستان رەسپۋبليكاسى اراسىنداعى ءوزارا ءتيىمدى ىنتىماقتاستىقتىڭ بارلىق سالاسىن ودان ءارى دامىتۋعا ۇلكەن ۇلەس قوسقان دانا مەملەكەت قايراتكەرى رەتىندە جاقسى بىلەدى, – دەپ جازادى ءوزىنىڭ قۇتتىقتاۋ جەدەلحاتىندا س.م.ميرونوۆ. – ءسىزدىڭ ومىرلىك جانە مەملەكەتتىك قىزمەتتەگى مول تاجىريبەڭىز رەسەي مەن قازاقستاننىڭ ستراتەگيالىق ارىپتەستىگىن العا اپاراتىنىنا, شىۇ, ۇقشۇ, ەۋرازەق, كەدەن وداعى, وزگە دە حالىقارالىق ۇيىمداردىڭ اياسىنداعى ينتەگراتسيالىق ۇدەرىستەر مەن وداقتاستىق ءوزارا ءىس-قيمىلدى تەرەڭدەتە تۇسەتىنىنە سەنەمىن”.
ۋكراينا مينيسترلەر كەڭسەسىنىڭ اتىنان جانە جەكە ءوز اتىنان قازاقستان پرەزيدەنتى ن.ءا.نازارباەۆتى مەرەيتويىمەن ۋكراينا پرەمەر-ءمينيسترى ن.ا.ازاروۆ شىن جۇرەكتەن قۇتتىقتادى: ء“سىزدى ۋكراينادا ءوز ەڭبەگىمەن جانە قايراتتى كۇش-جىگەرىمەن, باستاماشىلدىمەن جانە تاباندىلىعىمەن قازاقستان رەسپۋبليكاسىن دامىتۋعا, سونداي-اق ءوزارا ءتيىمدى حالىقارالىق ىنتىماقتاستىقتىڭ بەلسەندىلىگىن ارتتىرۋعا باعا جەتكىزگىسىز ۇلەس قوسقان كورنەكتى مەملەكەت قايراتكەرى, تالانتتى ۇيىمداستىرۋشى جانە باسشى رەتىندە بىلەدى جانە قۇرمەتتەيدى. ءسىزدىڭ حالىقتىڭ يگىلىگى جولىنداعى بەلسەندى جانە تابىستى قىزمەتىڭىز ءوز وتانىنا قىزمەت كورسەتۋدىڭ ۇلگىسى بولىپ تابىلادى”. ۋكراينا ۇكىمەتىنىڭ باسشىسى نۇرسۇلتان نازارباەۆقا مىقتى دەنساۋلىق, ۇزاق باقىتتى عۇمىر, وتباسىلىق قۋانىش, بەيبىتشىلىك پەن جاڭا جەتىستىكتەر تىلەگەن.
تاتارستان رەسپۋبليكاسىنىڭ پرەزيدەنتى رۋستام ميننيحانوۆ نۇرسۇلتان نازارباەۆتى 70 جىلدىعىمەن شىن جۇرەكتەن قۇتتىقتادى. “قازاق مەملەكەتتىگىنىڭ بارلىق جاڭا تاريحى – شىن مانىندەگى ۇلتتىڭ كوشباسشىسى, ءتاجىريبەلى, كورەگەن ساياساتكەر جانە مەملەكەت قايراتكەرى, بەدەلى قازاقستاننىڭ اۋماعىنان تىسقارى جايىلعان ءسىزدىڭ اتىڭىزبەن بايلانىستى. تۋعان حالقىڭىز بەن ەلىمىز ءۇشىن پرەزيدەنتتىك ەكى ونجىلدىقتا ءسىزدىڭ اتقارعانىڭىز ۇلكەن اسەر قالدىرادى, – دەپ اتاپ وتكەن ءوز حاتىندا باۋىرلاس تاتارستان باسشىسى. – قازاقستاننىڭ ءۇنى بارلىق كەزدە جانە حالىقارالىق ارەنادا سالماقتى شىعادى”. ر.ميننيحانوۆ تاتارستاندىقتاردىڭ اتىنان جانە جەكە ءوز اتىنان ن.نازارباەۆقا كوپعاسىرلىق ءداستۇرلى دوستىق پەن قازاقستان مەن تاتارستان حالىقتارى اراسىنداعى تۋىستىقتى نىعايتۋعا قوسقان ۇلەسىنە شىنايى قۇرمەتى مەن ءدان ريزاشىلىعىن ايتقان.
نۇرسۇلتان نازارباەۆتىڭ مەرەيجاسىنا سونداي-اق تاتارستاننىڭ تۇڭعىش پرەزيدەنتى مينتيمەر شايميەۆتەن قۇتتىقتاۋ حات كەلدى. “مەن كوپ جىل بويى سىزبەن – شىن مانىندەگى پلانەتارلىق دەڭگەيدەگى ساياساتكەرمەن قىزمەت جاساسۋ جانە ارالاسۋ باقىتىن سىيلاعان تاعدىرىما ريزامىن, – دەپ جازادى مينتيمەر شايميەۆ. – مەن ءبىزدى تەك ىسكەرلىك قانا ەمەس, سول سياقتى دوستىق, ءبىزدىڭ حالىقتارىمىزدىڭ اراسىنداعىداي باۋىرلاستىق قارىم-قاتىناستار بايلانىستىراتىنىن ماقتان تۇتامىن. تاتارستان ءۇشىن ەڭ قيىن ساياسي كەزەڭدە ءسىز تۇسىنىستىك تانىتىپ, بەلسەندى قولداۋ كورسەتتىڭىز. ءسىز پوستكەڭەستىك كەڭىستىكتەگى جاڭا گەوساياسي جۇيەنىڭ قۇرىلۋىنا زور ۇلەس قوستىڭىز. ءسىز قازاقستاننىڭ گۇلدەنۋىن قامتاماسىز ەتتىڭىز”. مينتيمەر شايميەۆ قازاقستان پرەزيدەنتىنە زور دەنساۋلىق پەن ۇزاق عۇمىر, سەرگەكتىك پەن وپتيميزم, بارلىق ويعا العاندارىنىڭ ورىندالۋىن تىلەگەن.
ءبىزدىڭ مەملەكەتىمىزدىڭ باسشىسىن 70 جىلدىق مەرەيجاسىمەن شىنايى ىقىلاستى جانە شىن جۇرەكتى قۇتتىقتاۋلارىن رەسەي فەدەراتسياسى ەسەپ پالاتاسىنىڭ توراعاسى س.ۆ.ستەپاشين جولداعان. س.ۆ.ستەپاشين ءوز حاتىندا نۇرسۇلتان نازارباەۆتى ەلدىڭ كەلبەتىن مۇلدە وزگەرتكەن اۋقىمدى رەفورمالار مەن جاڭعىرتۋلاردى جۇزەگە اسىرۋ باعىتىن جيىرما جىل بويىنا باتىل جانە ماقساتتى تۇردە جۇرگىزىپ كەلە جاتقان قازىرگى زامانعى كورنەكتى مەملەكەت قايراتكەرى دەپ اتاعان.
نۇرسۇلتان نازارباەۆتىڭ اتىنا ونىڭ 70 جىلدىعىمەن قۇتتىقتاۋ جەدەلحاتتارى ەۋرازەق پاا جاۋاپتى حاتشىسى پ.ب.زۆەرەۆتەن, رەسەي فەدەراتسياسى فەدەرالدىق جينالىسى فەدەرالدىق كەڭەسىنىڭ مۇشەلەرى ۆ.ب.رۋشايلو مەن ۆ.س.بابيچەۆتەن, تمد اتقارۋشى كوميتەتىنىڭ توراعاسى-اتقارۋشى حاتشىسى س.لەبەدەۆتەن كەلدى.
ۇقشۇ-دىڭ باس حاتشىسى ن.بورديۋجا ن.ءا.نازارباەۆتىڭ 70 جىلدىق مەرەيجاسى قۇرمەتىنە وراي جولداعان ءوزىنىڭ قۇتتىقتاۋ حاتىندا بىلاي دەپ جازادى: ء“سىزدىڭ ۇقشۇ-دىڭ جۇمىسىنا, ونىڭ بەدەلىن ارتتىرۋعا بايلانىستى ماقساتتار مەن مىندەتتەردى العا جىلجىتۋداعى وزەكتى ماسەلەلەردى ءىس جۇزىندە شەشۋدە كورسەتكەن ۇدايى جانە بەلسەندى كومەگىڭىزگە ءدان ريزامىن. شىن جۇرەكتەن شىققان جانە شىنايى ىقىلاسقا تولى قۇتتىقتاۋىم مەن ءسىزدىڭ كوپ قىرلى قىزمەتىڭىزدە جاڭا تابىستار تىلەگەن يگى تىلەگىمدى قابىل الىڭىز”.
رەسەي فەدەراتسياسىنىڭ چەليابى وبلىسىنىڭ گۋبەرناتورى م.ۆ.يۋرەۆيچ قازاقستان پرەزيدەنتىن مەرەيتويىمەن قۇتتىقتادى: ء“بىز ءسىز ارقىلى تەك كورەگەن ساياساتكەردى عانا ەمەس, قازاق حالقىنىڭ لايىقتى ۇلىن تانيمىز. ءسىزدىڭ ىسكە دەگەن مەملەكەتتىك قادامىڭىز, كورەگەندىك پەن ءپاتريوتيزمىڭىز قازاقستان رەسپۋبليكاسىنىڭ ودان ءارى دامۋىنا قىزمەت ەتەتىن بولادى”.
ءبىزدىڭ مەملەكەتىمىز باسشىسىنىڭ اتىنا ۇجىمدىق قۇتتىقتاۋلار رەسەيلىك عالىم-ەكونوميستەر كەڭەسىنىڭ وتباسىنان – گ.ە.لاششينا, د.ۆ.ۆالوۆ, ت.د.ۆالوۆا مەن م.د.ۆالوۆادان كەلدى. ء“سىزدىڭ ءومىرىڭىز كىتاپقا تۇرارلىقتاي. بۇل بارلىعىنا تەك قانا ەڭبەگىمەن جانە تالانتىمەن جەتكەن ناعىز ادامنىڭ تاريحى”, – دەپ جازادى رەسەيلىك عالىمدار.
نۇرسۇلتان ءابىش ۇلى نازارباەۆتى 70 جىلدىق مەرەيجاسىمەن ىقىلاسقا تولى قۇتتىقتاۋلار ۋكراينادان – سينەلنيكوۆو قالاسىنىڭ باسشىسى ا.ن.ماتۆەەۆتەن جانە دنەپرودزەرجينسك قالاسىنىڭ قۇرمەتتى ازاماتى و.ن.موروزدان كەلىپ ءتۇستى.
رەسەيدىڭ استراحان وبلىسىنداعى قازاقتاردىڭ, “جولداستىق” قازاق مادەنيەتى مەن ءتىلى قوعامى جانە قازاق مادەنيەتىن دامىتۋ قورى اتىنان قازاقستان پرەزيدەنتى نۇرسۇلتان نازارباەۆتى مەرەيجاسىمەن استراحان قالاسىنىڭ تۇرعىنى ن.يسكاكوۆ قۇتتىقتاعان.