2026 جىلدىڭ 1 قاڭتارىنان باستاپ قازاقستاندا ايلىق ەسەپتىك كورسەتكىش 4 325 تەڭگە بولىپ بەلگىلەنۋىنە بايلانىستى, اۆتوموبيلدەر مەن كوممەرتسيالىق تەحنيكانى العاشقى تىركەۋ الىمىنىڭ قۇنى وسەدى. تولەم مولشەرى كولىكتىڭ قوزعالتقىش تۇرىنە جانە زاۋىتتان شىققان جىلىنا تىكەلەي بايلانىستى بولادى, دەپ حابارلايدى Egemen.kz.
جاڭا ەرەجەلەرگە سايكەس, ەلەكتروموبيل يەلەرى ءۇشىن ەڭ تومەنگى تاريفتەر ساقتالادى. شىققانىنا 2 جىل تولماعان ەلەكتروموبيلدى تىركەۋ نەبارى 1 081 تەڭگە بولسا, 3 جىلدان اسقاندارى ءۇشىن 1 081 250 تەڭگە تولەۋ قاجەت.
ءداستۇرلى قوزعالتقىشى بار جەڭىل كولىكتەر (م1) ءۇشىن الىم مولشەرى تومەندەگىدەي:
2 جىلعا دەيىنگى جاڭا كولىكتەر: 1 081 تەڭگە (0.25 اەك); 2-3 جىل بولعاندار: 216 250 تەڭگە (50 اەك); 3 جىلدان اسقاندار: 2 162 500 تەڭگە (500 اەك).اۆتوبۋستار مەن جۇك كولىكتەرى ءۇشىن (ەرشىكتى تارتقىشتاردى قوسپاعاندا) ەسكىرۋ مەرزىمىنە قاراي تولەم 1 081 تەڭگەدەن باستالىپ, 5 جىلدان اسقان تەحنيكالار ءۇشىن 10,8 ملن تەڭگەگە دەيىن جەتەدى.
1 قاڭتاردان باستاپ سالىق رەفورماسى كۇشىنە ەنەدى
ايتا كەتەرلىگى, جاڭا سالىق كودەكسىنە سايكەس, حالىقارالىق تاسىمالمەن اينالىساتىن كومپانيالار ءۇشىن جەڭىلدىك قاراستىرىلعان: 2028 جىلعا دەيىن شىققانىنا 7 جىل بولعان N3 كاتەگورياسىنداعى ەرشىكتى تارتقىشتار ءۇشىن العاشقى تىركەۋ الىمى الىنبايدى.
سونىمەن قاتار كولىك يەلەرى العاشقى تىركەۋ اقىسىنان بولەك تەحپاسپورت (1.25 اەك) پەن مەملەكەتتىك ءنومىر (2.8 اەك) ءۇشىن جالپى سوماسى 17 516 تەڭگە تولەيتىنىن ەستە ساقتاۋى ءتيىس. كولىكتىڭ جاسى زاۋىتتىق تاقتايشادا كورسەتىلگەن شىققان جىلى بويىنشا ەسەپتەلەدى.