جاڭا جىلعا دەيىن زەينەتاقى جيناعىنان قالاي اقشا الىپ قالۋعا بولادى؟

مىسالى, 40 جاستاعىلار ءۇشىن ليميت 6 100 000 تەڭگەدەن 6 720 000 تەڭگەگە دەيىن وسەدى. ياعني, بيىل 620 000 تەڭگەگە كوبىرەك الۋ مۇمكىندىگى بار.

زەينەتاقى تولەمدەرىن الۋ 5 قاڭتارعا دەيىن توقتاتىلادى

كەلەسى جىلى بىرجولعى زەينەتاقى تولەمدەرىن (بزت) الۋعا ءوتىنىش تەك 5 قاڭتاردان باستاپ قابىلدانادى, سەبەبى 2026 جىلعى 1-4 قاڭتار – دەمالىس كۇندەرى. بۇل ارالىقتا بزت بويىنشا بارلىق وپەراتسيالار قولجەتىمسىز بولادى.

زەينەتاقى جيناعىمەن پلاستيكالىق وتا جاساۋعا تىيىم سالىندى ەسكى جەتكىلىكتىلىك شەكتەرىمەن زەينەتاقىنى قالاي شەشىپ ۇلگەرەمىز؟

وتباسى بانكتىڭ حابارلاۋىنشا, زەينەتاقى جيناعىن الۋ تۋرالى وتىنىشتەردى 31 جەلتوقسان ساعات 18:00-گە دەيىن بەرۋگە بولادى.

بۇل رەتتە:

29 جەلتوقسانعا دەيىن (قوسا العاندا) بەرىلگەن وتىنىشتەر بجزق-دا وسى جىلى وڭدەلەدى;

30-31 جەلتوقساندا جىبەرىلگەن وتىنىشتەر ەكى جۇمىس كۇنى ىشىندە قارالادى.

ەسكى شەكتەرمەن زەينەتاقىنى شەشىپ الۋ ءۇشىن ءوتىنىش 31 جەلتوقسان ساعات 18:00-گە دەيىن بجزق-دا قابىلدانۋى ءتيىس.

سوڭىنا دەيىن كۇتپەي, ءوتىنىشتى مۇمكىندىگىنشە ەرتەرەك بەرۋ ۇسىنىلادى.

31 جەلتوقساندا ارنايى شوت اشۋعا بولا ما؟

وتباسى بانكتىڭ مالىمەتىنشە, بىرجولعى زەينەتاقى تولەمدەرىنە ارنالعان ارنايى شوتتار بويىنشا وپەراتسيالار 31 جەلتوقسان كۇنى ساعات 16:00-گە دەيىن عانا جۇرگىزىلەدى.

زەينەتاقى 10%-عا وسەدى: 2026 جىلى زەينەتكەرلەر قانشا تەڭگە الادى؟

بۇل ۋاقىتقا دەيىن:

بزت بويىنشا ارنايى شوت اشۋ جانە جابۋ;

قاراجاتتى تۇرعىن ءۇي قۇرىلىس جيناق سالىمدارىنا اۋدارۋ;

ەكىنشى دەڭگەيلى بانكتەرگە اۋدارۋ;

ارنايى شوتتاردان بزت-نى بەرۋ قولجەتىمدى بولادى. 

زەينەتاقىنى سالىقسىز قالاي شەشەمىز؟

سالىق تولەمەۋ ءۇشىن ءوتىنىش بەرگەن كەزدە «جەكە تابىس سالىعىن كەيىنگە قالدىرۋ» نۇسقاسىن تاڭداۋ قاجەت, ياعني سالىقتى زەينەتكە شىققان كەزدە تولەۋ.

ەگەر «سالىقتى بىردەن تولەۋ» تاڭدالسا, سومادان 10% ۇستالىنىپ قالادى جانە ونى كەيىن قايتارۋ مۇمكىن بولمايدى.

ال 2026 جىلعى 1 قاڭتاردان باستاپ زەينەتاقى جيناعىن الۋ كەزىندە 10% جەكە تابىس سالىعى تولىقتاي الىنىپ تاستالادى.