مەملەكەت باسشىسى شىنجىر تاباندى جانە دوڭگەلەكتى بروندى ماشينالار شىعاراتىن, سونداي-اق ولارعا تەحنيكالىق قىزمەت كورسەتەتىن Besqaru زاۋىتىنا باردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆ تسەحتارداعى قۇراستىرۋ جۇمىستارىن ارالاپ كورىپ, قورعانىس ونەركاسىبى كەشەنىنە قاراستى كاسىپورىننىڭ تەحنولوگيالىق پروتسەستەرىمەن جانە وندىرىستىك مۇمكىندىكتەرىمەن تانىستى.
كومپانيا جىلىنا 200 بروندى تەحنيكا قۇراستىرادى. ولاردىڭ قاتارىندا سۋدى كەشىپ وتە الاتىن, دوڭگەلەكتى Taimas8x8, Aibar 4x4 بروندى ماشينالارى, سونداي-اق Tulpar شىنجىر تاباندى تەحنيكاسى بار.
Besqaru كومپانياسى ءوز ءونىمىن قورعانىس مينيسترلىگى مەن باسقا دا كۇشتىك قۇرىلىمدارعا ارناپ شىعارادى.
ءوندىرىس الاڭى بيىل اقپان ايىندا ىسكە قوسىلدى. جالپى قۇنى 13,5 ميلليارد تەڭگە بولاتىن جوبا اياسىندا 134 جۇمىس ورنى اشىلدى.
مەملەكەت باسشىسى زاۋىت قىزمەتكەرلەرىمەن اڭگىمەلەسىپ, ولاردىڭ ەڭبەگى ءونىمدى بولۋىنا تىلەكتەستىك ءبىلدىردى.
مەملەكەت باسشىسى Tausogar زاۋىتىن ارالاپ كوردى
قاسىم-جومارت توقاەۆ Besqaru زاۋىتىمەن تانىستى