ريددەر قالاسىنىڭ تۇرعىن ءۇي اۋلاسىندا 6 جاسار بالانى قاعىپ كەتكەن جۇرگىزۋشى وقيعا ورنىن تاستاپ قاشقان, دەپ حابارلايدى Egemen.kz.
وقيعا 23 جەلتوقساندا بولعان. بالانى قاعىپ كەتكەن ادام Lada X-Ray ماركالى اۆتوكولىك جۇرگىزگەنى ءمالىم بولدى.
جول-كولىك وقيعاسى سالدارىنان زارداپ شەككەن بالا مەديتسينالىق مەكەمەگە جەتكىزىلدى.
پوليتسيا قىزمەتكەرلەرى جۇرگىزۋشىنى قۇرىقتادى. ونىڭ كولىگى تاركىلەنىپ, ارنايى تۇراققا قويىلدى.
«اتالعان دەرەك بويىنشا ءتيىستى ساراپتامالار تاعايىندالدى, ولاردىڭ قورىتىندىسى بويىنشا پروتسەسسۋالدىق شەشىم قابىلداناتىن بولادى», دەپ حابارلادى شىعىس قازاقستان وبلىسىنىڭ پد ءباسپاسوز قىزمەتى.