«Tesla» كومپانياسى بەرليندە ادام ءتارىزدى «Optimus» روبوتىن كوپشىلىككە كورسەتتى. تانىستىرىلىم ساۋدا ورتالىعىندا ءوتىپ, قۇلتەمىر قوناقتارمەن امانداسىپ, پوپكورن تاراتقان.
«Tesla» مالىمەتىنشە, بويى 1,73 مەتر بولاتىن «Optimus» قاۋىپ تۋدىرمايتىن قاراپايىم جۇمىسقا بەيىمدەلگەن. ول تازالاۋ, تاماق ازىرلەۋ, قويماداعى شارۋالار سياقتى مىندەتتەردى اتقارا الادى. قازىردىڭ وزىندە روبوت «Tesla»-نىڭ كاليفورنياداعى زاۋىتىندا باتارەيالاردى سۇرىپتاپ, ەلەكتروموبيل قۇراستىرۋ جەلىسىنە كومەك كورسەتىپ ءجۇر. «Tesla» روبوتتى شامامەن ءبىر جىلدان كەيىن ساتىلىمعا شىعارۋدى جوسپارلاپ وتىر. باعاسى 20–25 مىڭ دوللار شاماسىندا بولماق.