باتىر تۋرالى 10 تومدىق

باۋىرجان مومىش ۇلى سوعىستىڭ العاشقى كەزىنىڭ وزىن­دە-اق الەكساندر بەكتىڭ ايگىلى «ۆولوكولامسكوە شوسسە» اتتى كىتابىنىڭ باستى كەيىپ­كەرىنە اينالىپ, الەم جۇرتىنا كەڭىنەن تانىلدى. ونىڭ قولباسشىلىق قابىلەتى مەن اسكەري ءتاسىلى الەمدىك سوعىس ونەرىنە «مومىش ۇلى ءسپيرالى» دەگەن اتاۋمەن ەندى. ءتىپتى اقش, كۋبا, يزرايل جانە نيكاراگۋانىڭ اسكەري اكادەميالارى باۋىرجان مو­مىش­­ ۇلىنىڭ سوعىس كەزىندەگى تاجىريبەسىن زەرتتەپ, ونى ستراتەگيالىق جانە تاكتيكالىق وقۋ قۇرالى رەتىندە پايدالاندى.

باۋىرجان مومىش ۇلى اس­كەري قىزمەتتەن سوڭ دا ەرلىك كورسەتتى, جازۋشىلىقپەن اي­­نا­لىستى. «وفيتسەر كۇن­دەلىگى», ء«بىر ءتۇننىڭ تاريحى», «موسكۆا ءۇشىن شايقاس», «گەنە­رال پانفيلوۆ», «ەل باسىنا كۇن تۋسا» سەكىلدى تالعامپاز وقىر­­ماننىڭ كوڭىلىنەن شىق­قان كوپتەگەن كىتاپ پەن اسكەري ەستەلىك جازدى. اقتىق دە­مىنە دەيىن قايسارلىق تانىتتى, جاس­­­تاردى وتانشىلدىققا, ۇلت­­­جاندىلىققا تاربيەلەدى.

باتىر تۋرالى 10 توم­دىق كىتاپتىڭ اۆتورى مامىت­بەك قالدىباي جيىرما جىلدان استام باۋىر­جان مومىش­ ۇلىمەن قويان-قولتىق ارالاسىپ, ونىڭ سۇ­راپىل سوعىس پەن داڭقتى قولباسشىلار, اتاق­تى زامانداس­تارى جونىن­دەگى اڭگىمەلەرىن جالىق­پاي تىڭ­دادى. ەرەكشە مىنەز-قۇلقىنا تەرەڭ ءۇڭىلىپ, جۇرتقا بەيمالىم سىرلارىن كوڭىلىنە ءتۇيىپ, تالاي رەت باتىر­­دىڭ تاپقىرلىعى مەن شەشەن­دىگىنىڭ, ەلدىك نامىستى القالاعان تۋراشىلدىعىنىڭ, ءومىردىڭ ءار قۇبىلىسىنان جاڭا وي تۇيە بىلەتىندىگىنىڭ كۋاسى بولدى.

سونىڭ ناتيجەسىندە ما­مىتبەك قالدىبايدىڭ كوپ­­تومدىعىنداعى باۋىر­جان مو­­مىش ۇلى بايانداعان ك.رو­كو­­سوۆسكي, گ.جۋكوۆ, ا.ۆاسي­­لەۆسكي, ي.باگراميان, ي.پان­­في­لوۆ, ي.چيس­تياكوۆ, ا.فا­دەەۆ, ل.سوبو­لەۆ ا.تول­ستوي, م.اۋە­زوۆ, س.مۇ­قا­نوۆ, ع.مۇسىرەپوۆ, ع.مۇس­تافين, ا.جۇبانوۆ, ق.سات­­باەۆ, ا.پانكراتوۆا, ە.بەك­ماحا­نوۆ ءتارىزدى تۇلعالار تۋرالى اڭگىمەلەرى تىڭ دەرەكتەرگە باي, تارتىمدى, رۋحاني تار­بيە­لىك ءمانى وتە تەرەڭ. قاھارمان ومىرىنەن سىر شەرتەتىن 10 تومدىق جيناق «بەكا­سىل اۋليە» جەكە قورىنىڭ دەمەۋ­شىلىگىمەن الماتىداعى «كەرۋلەن پرينت» باسپاحاناسىنان جارىق كوردى.

ەرجان يساقۇلوۆ,

گەنەرال-مايور, جازۋشىلار وداعىنىڭ مۇشەسى