قازاق كينوسىنىڭ مەترى, مادەنيەت پەن ونەردىڭ اسقار تاۋىنا اينالىپ ءبىر ءداۋىردىڭ رۋحىن ارقالاپ وتكەن الىپ تۇلعا ءاسانالى اعامىز دا پانيدەن باقيعا بەت بۇردى.
مىڭداعان ادامنىڭ جۇرەگىندە ءىز قالدىرعان ۇلى اكتەردىڭ كەتۋى ءولىمنىڭ اقيقات ەكەنىن تۇسىنەتىن سانالى جاننىڭ ءبارىن سەڭ سوققانداي ەتتى…
مىناۋ مازاسىز دۇنيەدە بەزگەك تيگەندەي سەلكىلدەپ قالدىق.
جۇرەك سىزداعانىمەن, جان مۇزداعانىمەن اجالعا قارسى امالىمىز جوق.
ۇلت كينوسىنىڭ «التىن قورىنا» ولمەس رولدەر مەن شەبەرلىك ۇلگىسىن قالدىرعان ءاسانالى اعامىز ونەر قۋاتىمەن قازاق حالقىن الەمگە تانىتتى. ونىڭ ءاربىر ءرولى – ساحنا مەن ەكرانداعى شىنايى ادام تاعدىرى, قازاق رۋحىنىڭ بيىك بەينەسى ەدى. وزىنە ءتان ونەرى مەن شەبەرلىگى ارقىلى ۇلتتىق مادەنيەتتىڭ قانداي بولاتىنىن ۇقتىرا الدى. كوزى تىرىسىندە اتى اڭىزعا اينالعان ءاسانالى اعانىڭ ونەرى, ۇستازدىق شەبەرلىگى ۇرپاقتان-ۇرپاققا جەتەتىن باعا جەتپەس مۇرا. ءوز ءداۋىرىن قاپسىرا «قۇشاقتاعان» كۇيى ءاربىر ويلى كورەرمەن جۇرەگىنىڭ تورىندە ساقتالادى. قايتالانباس ونەرىمەن, تاعدىر سىناعىنا قارا نارداي توتەپ بەرگەن قاسيەتىمەن جۇرت ەسىندە قالادى. «كورەمىز» باعدارلاماسىنىڭ تۇسىرىلىمىنە تاياۋدا عانا قاتىسىپ ەدىك. سوندا: «انا جارماقتى» بارلىق جەردە قويۋىڭ كەرەك. سەن ءوزىڭدى دالەلدەپ كەلەسىڭ عوي», دەگەن-ءدى…
ماقتاۋ ءسوزدى ورىنسىز ايتا بەرمەيتىن اعانىڭ ريزاشىلىق بىلدىرگەنى دەپ قابىلداعام. بالكىم, اماناتى…
الدى دا, سوڭى دا جارىق بولعاي!
بەكجان تۇرىس,
شاكىرتى, ونەر قايراتكەرى