ەكى وبلىستاعى جولداردا كولىك قوزعالىسى شەكتەلدى

– اۋا رايىنىڭ قولايسىزدىعىنا بايلانىستى 2025 جىلعى 22 جەلتوقسان ساعات 20:00-دەن باستاپ باتىس قازاقستان وبلىسىندا جۇك جانە قوعامدىق كولىكتەردىڭ قوزعالىسىنا ۋاقىتشا شەكتەۋ قويىلدى, – دەلىنگەن حابارلامادا.

شەكتەۋ كەلەسى اۆتوجول ۋچاسكەلەرىندە ەنگىزىلدى:

«اقتوبە – ورال – رف شەكاراسى» اۆتوجولى: 195–246 شاقىرىم (جپ پوستى – سىرىم باقىلاۋ پۋنكتى);

«اقتوبە – ورال – رف شەكاراسى» اۆتوجولى: 273–393 شاقىرىم (جىمپيتى اۋىلى – بارباستاۋ اۋىلى);

«اتىراۋ – ورال» اۆتوجولى: 373–492 شاقىرىم (چاپاەۆ اۋىلى – ورال قالاسى).

الدىن الا مالىمەت بويىنشا, جول قوزعالىسىن 23 جەلتوقسان ساعات 08:00-دە قالپىنا كەلتىرۋ جوسپارلانىپ وتىر.

سونداي-اق, قىزىلوردا وبلىسىندا دا كولىك قوزعالىسىنا شەكتەۋ قويىلدى.

– 2025 جىلعى 22 جەلتوقسان ساعات 22:00-دە اۋا رايىنىڭ بۇزىلۋىنا بايلانىستى رف شەكاراسى - مارتوك - اقتوبە - قارابۇتاق - قىزىلوردا - شىمكەنت - تاراز - قورداي - الماتى - قورعاس - قحر شەكاراسى اۆتوجولىنىڭ 1362-1646 شاقىرىم ارالىعىنداعى ۋچاسكەسىندە (ارال قالاسىنان جوسالى اۋىلىنا دەيىن) كولىكتىڭ بارلىق ءتۇرىنىڭ قوزعالىسىنا شەكتەۋ قويىلادى, – دەلىنگەن اقپاراتتا.