تاريح تولقىنىندا ءار حالىقتىڭ الاتىن ورنى ونىڭ ماڭدايىنا بىتەتىن ءبىرتۋما تۇلعاسى – كوشباسشىسىمەن تىعىز بايلانىستى ەكەنى ءمالىم. بولمىسىنان ورلىك پەن بوستاندىقتى تۋ ەتكەن كوشپەلىلەردىڭ رۋحىنان باستاۋ العان, ۇلان-عايىر مەكەنىن ۇرپاعىنا مۇرا ەتۋ جولىندا جانقيارلىق ەرلىك كورسەتكەن اتا-بابالارىمىز ەل تىزگىنىن نىق ۇستاپ, قازاق ۇلتىنىڭ اتىن اسقاقتاتىپ, عاسىردان-عاسىرعا ۇرانىن اسىرا الىپ كەلدى.زامانا ءتىزبەگىنىڭ الۋان الماسقان ساتتەرىن باسىنان وتكىزىپ, تاۋقىمەتى زور عۇمىر كەشكەن حالقىمىزدىڭ تاريح قويناۋىنا وتكەن سارا جولىنا ۇڭىلسەك, جاۋگەرشىلىككە قارسى تۇرعان بايىرعى زاماندا اتى اڭىزعا اينالعان باتىر-لارىمىز جەڭىس تۋىن جەلبىرەتسە, ولاردىڭ جەڭىسىن ەلباسىمىز بۇگىندە بەيبىت كۇننىڭ مايدانىندا جالعاستىرۋدا.
اتا-بابالارىمىز ارمانداعان ەل ەگەمەندىگىنە قول جەتكىزىپ, دەربەس مەملەكەت قۇرۋ جولىنداعى ەلباسىنىڭ ەرەن ەڭبەگى اقتالىپ, ەلىمىز جاڭا داۋىردەگى وركەنيەتتى ەلدەر قاتارىنان لايىقتى ورىن الۋدا. كەشەگى وداقتىق رەسپۋبليكالار اراسىندا بۇگىندە قازاقستاننىڭ ەكونوميكالىق-ساياسي دارەجەسى ءجونىندە شوقتىعى بيىك تۇرىپ, حالىقارالىق ساحنادا زور بەدەل-گە يە بولۋىنىڭ سىرى – ەل باسىنا تونگەن ءتۇرلى اۋىرتپالىق شاقتاردا ەلباسىنىڭ قايسار ساياساتكەرلىك تانىتىپ, قازاقستان اتتى الىپ كەمەنىڭ باعىتىن دۇرىس تاڭداي بىلۋىندە.
تاۋەلسىزدىككە قول جەتكىزگەن قىسقا مەرزىم ىشىندەگى ەلباسىنىڭ باستاۋىمەن ەلىمىزدىڭ وتكەن جولدارى مەن جەتىستىكتەرى تاريح بەتتەرىنىڭ التىن پاراقتارى بولىپ قالماق. العاشقى كونستيتۋتسيامىزدان-اق دۇنيە جۇزىنە دەموكراتيا جولىن تاڭدايتىنىمىزدى جاريا ەتتىك. ەلىمىز وتپەلى ءداۋىر ەكونوميكاسىنىڭ شىرعالاڭ سوقپاقتارىن يگەرىپ, نارىق زامانىنىڭ قاتال شارتتارىنا ساي تۇراتىن دارەجەگە جەتتى. ەلباسىنىڭ ىنتاسىمەن وسى قيىن-قىستاۋ جىلدار قويناۋىندا استانا اتتى كورىكتى شاھارىمىز دۇنيەگە كەلدى. قازىر الەمدە استانا اتى بەيبىتشىلىك پەن بىرلىكتىڭ جارشىسى رەتىندە تانىمال. دۇنيە جۇزىندە ۇلتارالىق قايشىلىقتار شيەلەنىسىپ, كونفەسسيالار قاقتىعىسى ورىن الىپ جاتقان كەزەڭدە قازاقستان ءوزىن بىرلىك پەن تاتۋلىقتىڭ ۇلگىسى رەتىندە تانىتىپ, الەم قاۋىپسىزدىگى مەن جالپى ادامزاتتىق ىنتىماق ءۇشىن زور ۇلەسىن قوسۋدا.
بۇگىنگى تاڭدا قازاقستاننىڭ يندۋستريالىق-يننوۆاتسيالىق دامۋعا بەتبۇرىس جاساپ, ءبىلىم-عىلىم-اقپارات جولىن تاڭداۋى – وسكەلەڭ ۇرپاق ءۇشىن سەنىمدى بولاشاق تۋدىرارى انىق. قازاقستاننىڭ قاي ولكەسىن الساق تا ەكونوميكالىق-الەۋمەتتىك جاندانۋ ۇستىندە, رەسپۋبليكانىڭ تۇكپىر-تۇكپىرىنەن ەستىلگەن ءوندىرىستىڭ وركەندەۋىندەگى جەتىستىكتەر – ەلباسى ساياساتىنىڭ الەمدىك داعدارىس اتتى كەزەكتى زاۋالعا قاتقان لايىقتى جاۋاپ-جوباسىنىڭ ورىندالۋ كورىنىستەرى.
جاڭا داۋىردە ۇلتىمىزدىڭ رۋحى, زەردەسى مەن مادەنيەتى اسقاق تۇرىپ, ەل ەكونوميكاسىنىڭ دۇنيە ءجۇزى ەلدەرى اراسىنداعى باسەكەلەستىك بايگەسىندە الدىڭعى ورىنداردان تابىلۋى جولىنداعى يگى جوسپارلاردى جۇزەگە اسىرۋدا حالقىمىزعا بەيبىت ءومىر, سالاماتتى دەنساۋلىق, تابيعات پەن قورشاعان ورتاسىنىڭ قاۋىپسىزدىگىن قامتاماسىز ەتۋدە ەلباسىنىڭ ەڭبەگى وراسان.
“ادامنىڭ دەنساۋلىعى – ەكونوميكانىڭ قوزعاۋشى كۇشى” –دەگەن ادامزاتتىق پروگرەستىك دامۋ قاعيداسىن نەگىزگە الا وتىرىپ, ەلباسىنىڭ ىنتاسىمەن ۇلتتىق مەديتسينامىزدى الەمدىك دەڭگەيگە كوتەرۋ ماقساتىمەن ەلىمىزدە تەڭدەسسىز شارالار جاسالۋدا. استانامىزدىڭ سول جاعالاۋىندا ۇلتتىق مەديتسينا حولدينگىنىڭ نەگىزىندە مەديتسينالىق كلاستەر جۇيەسى بوي كوتەرىپ, ءبىلىم مەن عىلىم ءىزدەۋشىلەرگە نازارباەۆ ۋنيۆەرسيتەتى ەسىگىن ايقارا اشتى. بۇل جەتىستىكتەر حالقىمىزدىڭ ەل شەڭبەرىندە ەمدەلىپ, دەنساۋلىعىن نىعايتۋىنا زور مۇمكىندىك سىيلاپ, جاس ۇرپاققا شەتەلمەن باسەكەگە ساي ءبىلىم كوزىنەن ءنار الدىرماق. ساۋ جانە ءبىلىمدى ۇرپاق – ءونىپ شىعاتىن التىن ءدان, ەلىمىزدىڭ ەرتەڭى.
ەلىمىزدىڭ دەنساۋلىق ساقتاۋ سالاسىن ءومىرىنىڭ مانىنە اي-نالدىرعان حالىق دەنساۋلىعى ساقشىلارىنىڭ اتىنان “ۇلت بايلىعى – دەنساۋلىق” سالا-سىن كوركەيتۋدە ەلباسىنىڭ كورسەتكەن قولداۋى مەن قام-قورلىعى ءۇشىن ىقىلاسىمدى بىلدىرەمىن. ەلىمىزدىڭ وركەنيەتتى ورلەۋ جولىنداعى اسقان اسۋلارى مەن باعىندىرعان بە-لەستەرىنىڭ, اۋقىمدى جەتىستىكتەرىنىڭ بولاشاقتاعى قارىمىنا سەنىمىم مول.
نۇرسۇلتان ءابىش ۇلىن 70 جاستىڭ كەمەلىنە كەلۋىمەن قۇت-تىقتاي وتىرىپ, “ەل تاعدىرى – ەر تاعدىرى” ۇرانىمەن ەلدىڭ بەيبىت, بەرەكەلى, شادىمان عۇمىرى جولىندا حالىقپەن بىتە قايناسقان ەڭبەگى مەن ۇلگى-ونەگەلى ءومىرىنىڭ شاپاعاتى جاس ۇرپاقتان ساباقتاستىق تاۋىپ, جارقىن بولاشاقتا ەلىمىزدىڭ ەڭسەسى بيىكتەي ءتۇسىپ, جاسامپازدىعى ارتا بەرسىن دەگەن شىنايى تىلەگىمدى جولدايمىن.
تورەگەلدى شارمانوۆ, اكادەميك.