«قازاۆتوجول» ۇلتتىق كومپانياسى ەلدەگى جولداردىڭ قازىرگى احۋالى تۋرالى حابارلادى.
ۇلتتىق كومپانيانىڭ مالىمەتىنشە, 2025 جىلعى 20 جەلتوقساندا تاڭەرتەڭ اۋا رايىنىڭ جاقسارۋىنا بايلانىستى رەسپۋبليكالىق ماڭىزى بار بىرنەشە جولدا قوزعالىس قايتا جانداندى.
اقتوبە وبلىسى
• «قوستاناي – رۋدنىي – دەنيسوۆكا – كومسومولسكوە – قارابۇتاق» اۆتوجولىنىڭ 5-234 شاقىرىم ارالىعى (قارابۇتاق اۋىلى – قوستاناي وبلىسىنىڭ شەكاراسى).
قوستاناي وبلىسى
• «قوستاناي – رۋدنىي – دەنيسوۆكا – كومسومولسكوە – قارابۇتاق» اۆتوجولىنىڭ 234-501-شاقىرىم ارالىعى (اقتوبە وبلىسىنىڭ شەكاراسى – رۋدنىي قالاسى).
پاۆلودار وبلىسى
«استانا – شىدەرتى – پاۆلودار – ۋسپەنكا – رف شەكاراسى» اۆتوجولىندا (قالقامان ەلدى مەكەنىنە كىرەبەرىس پەن استاناعا شىعاتىن باعىت) كولىكتىڭ بارلىق ءتۇرى ءۇشىن قوزعالىسقا ۋاقىتشا شەكتەۋ ەنگىزىلدى. قالقامان ەلدى مەكەنىنەن استاناعا قوزعالىس بەرەكە «قالقامان – اقسۋ» كولىك ايرىعى ارقىلى جانە پاۆلودار قالاسىنان قالقامان ەلدى مەكەنىنە قوزعالىس «باياناۋىل» كولىك ايرىعى ارقىلى جۇزەگە اسىرىلادى.
جەتىسۋ وبلىسى
ء«ۇشارال – دوستىق – قحر شەكاراسى» اۆتوجولىنىڭ 84-164-شاقىرىم ارالىعىندا (كوكتۇما كەنتى – دوستىق ستانتسياسى) كولىكتىڭ بارلىق ءتۇرى ءۇشىن قوزعالىسقا شەكتەۋ ەنگىزىلدى.
جول شامامەن 2025 جىلعى 20 جەلتوقسان ساعات 14:00-دە اشىلادى.