تاۋەلسىزدىك كۇنىنە وراي Google كومپانياسى ەڭ وزىق جاساندى ينتەللەكتىنىڭ ءبىرى – Gemini مودەلىنىڭ قازاق تىلىندەگى نۇسقاسىن ىسكە قوستى, دەپ حابارلايدى Egemen.kz.
جاساندى ينتەللەكت جانە تسيفرلىق دامۋ مينيسترلىگىنىڭ مالىمەتىنشە, جاھاندىق باستامانىڭ ءبىر بولىگى رەتىندە قازاق ءتىلى Gemini 3 بۋىنى اياسىندا قوسىلعان 23 جاڭا ءتىلدىڭ قاتارىنا ەندى. بۇل ەل تۇرعىندارىنا الەمنىڭ ءىرى تىلدەرىمەن تەڭ دارەجەدە, ءوز انا تىلىندە Gemini مۇمكىندىكتەرىن پايدالانۋعا مۇمكىندىك بەرەدى.
«Gemini-ءدىڭ قازاق تىلىندەگى ينتەرفەيسى قازىردىڭ وزىندە ۆەب-نۇسقادا قولجەتىمدى. ول ءۇشىن پايدالانۋشىلار Google اككاۋنتىنىڭ باپتاۋلارىندا قازاق ءتىلىن تاڭداۋى قاجەت. الداعى ۋاقىتتا Android جانە iOS جۇيەلەرىنە ارنالعان نۇسقالاردى قولداۋ, سونداي-اق Gemini Live سەرۆيسىن ىسكە قوسۋ جوسپارلانىپ وتىر», دەلىنگەن حابارلامادا.
بۇل جاڭالىق Google كومپانياسىنىڭ قازاقستاندا جاساندى ينتەللەكتىنى دامىتۋعا باعىتتالعان جۇمىسىنىڭ ءبىر بولىگى. كومپانيا كادرلاردى دايارلاۋعا, تسيفرلىق داعدىلاردى دامىتۋعا جانە ازىرلەۋشىلەردى قولداۋعا ينۆەستيتسيا سالادى. سالدارلارى مەملەكەتتىك باسقارۋدىڭ تيىمدىلىگىنىڭ ارتۋى جانە ەلدىڭ ەكونوميكالىق وسىمىنە ىقپال ەتۋى مۇمكىن.
مينيسترلىك بۇل قادامدى تسيفرلىق مەملەكەتتى دامىتۋ جانە باسەكەگە قابىلەتتى AI-ەكوجۇيە قالىپتاستىرۋ جولىنداعى ماڭىزدى قادام دەپ اتاپ ءوتتى. ءارى قاراي جاساندى ينتەللەكتىنى دامىتۋ, تسيفرلى ونىمدەردى لوكاليزاتسيالاۋ جانە جاڭا مامانداردى دايارلاۋ باعىتىندا حالىقارالىق سەرىكتەستەرمەن ىنتىماقتاستىق جۇمىستارى جالعاسادى.