قوستاناي قالاسى تۇرعىندارى شىرشالاردىڭ شامىن جاعۋ راسىمىنە شاقىرىلادى. قالا اكىمىنىڭ ورىنباسارى ءماجيت شۇلەنوۆتىڭ ايتۋىنشا, 18 جەلتوقسان كۇنى ساعات 20:00-دە قالانىڭ ءارتۇرلى بولىكتەرىندە شىرشالاردىڭ شامى ءبىر مەزەتتە جاعىلادى, دەپ جازادى Egemen.kz.
«تۇرعىنداردىڭ ءوتىنىشى بويىنشا ءىس-شارانىڭ ۋاقىتىن وزگەرتتىك. جۇمىستان كەيىن تۇرعىندار بالالارىمەن بىرگە كەلىپ, مەرەكەلىك كەشكە قاتىسا الۋى ءۇشىن وسىلاي شەشتىك», دەدى م.شۇلەنوۆ.
بيىل قالادا جاڭا جىلدىق شىرشالار 5 لوكاتسيادا ورناتىلادى:
11 مەترلىك شىرشالار – جاستار بۋلۆارىندا, «كەرۋەن» پاركىندە جانە قۇناي شاعىناۋدانىندا;
22 مەترلىك شىرشا – يۋبيلەينىي شاعىناۋدانىنداعى «جاستار سارايى» الدىندا;
23 مەترلىك باستى شىرشا – وبلىس اكىمدىگى الاڭىندا ورناتىلادى.
ورتالىق الاڭداعى باستى شىرشا بيىل زاماناۋي ديزاينمەن بەزەندىرىلەدى, وعان قوسىمشا قاراجات تارتىلعان.