قىزىلوردا وبلىستىق كوپبەيىندى اۋرۋحاناسىندا ءۇش ناۋقاسقا جاسالعان بۇيرەك ترانسپلانتاتسياسى ءساتتى ءوتتى. العاشقى وتا 41 جاستاعى ايەلگە جاسالدى. ناۋقاستىڭ اعاسى دونور بولىپ, بۇيرەگىن بەردى, دەپ جازادى Egemen.kz.
ەكىنشى اعزا اۋىستىرۋ وتاسى 20 جاستاعى جىگىتكە جاسالدى. بۇل وتادا ناۋقاستىڭ 54 جاستاعى اناسى دونور بولعان.
ال ءۇشىنشى وتا 43 جاستاعى ايەلگە جاسالدى. ناۋقاستىڭ جۇبايى دونور بولىپ, ەم الۋشىعا بۇيرەگىن بەرگەن.
ترانسپلانتاتسيانى قىزىلوردا وبلىستىق كوپبەيىندى اۋرۋحاناسىنىڭ باس دارىگەرى, ترانسپلانتولوگ, PhD, جاسۇلان بايماحانوۆ, باس دارىگەردىڭ حيرۋرگيا جونىندەگى ورىنباسارى, PhD ەربول سەرىك ۇلى جانە «ا.ن. سىزعانوۆ اتىنداعى ۇلتتىق عىلىمي حيرۋرگيا ورتالىعى» اق-نىڭ ترانسپلانتولوگتارى ەرنۇر بەلگىباەۆ, ەلشات نابيەۆتىڭ كومانداسىمەن بىرلەسە جاسادى.
اۋرۋحانانىڭ ءباسپاسوز قىزمەتى اتالعان وتالار ءساتتى ءوتىپ, قازىرگى تاڭدا ناۋقاستاردىڭ جاعدايى ورتاشا اۋىر ەكەنىن مالىمدەدى. ولار ءتيىستى ەم قابىلداپ جاتىر.
ايتا كەتەيىك, بۇعان دەيىن اۋرۋحانادا 8 رەت – بۇيرەك, 1 – باۋىر الماستىرۋ وتاسى ءساتتى جاسالعان.
بۇعان دەيىن ءمايىت دونورى 6 ادامنىڭ ءومىرىن ساقتاپ قالعانىن حابارلاعانبىز.