ۇكىمەتتىڭ قورىتىندى ءباسپاسوز كونفەرەنتسياسىندا ەنەرگەتيكا ءمينيسترى ەرلان اقكەنجەنوۆ بيىلعى تەرەڭ وڭدەۋ جانە مۇناي-گاز حيمياسى سالاسىنداعى جۇمىستىڭ قورىتىندىلارى تۋرالى ايتىپ بەردى, دەپ جازادى Egemen.kz.
جۇيەلى ساياسات جۇزەگە اسىپ كەلەدى
مۇناي-گاز حيمياسى سالاسىندا ەكونوميكانى ارتاراپتاندىرۋعا جانە شيكىزاتقا تاۋەلدىلىكتى تومەندەتۋگە باعىتتالعان جۇيەلى ساياسات جۇزەگە اسىرىلىپ جاتىر. وتاندىق مۇناي-گاز حيمياسى تۇراقتى ەكى تاڭبالى ءوسىم قارقىنىن كورسەتىپ, شيكىزاتتىق ەمەس ەكسپورتتىڭ نەگىزگى قوزعاۋشى كۇشتەرىنىڭ بىرىنە اينالىپ كەلەدى.
«2025 جىلدىڭ قورىتىندىسى بويىنشا مۇناي-گاز حيمياسى ونىمدەرىنىڭ ءوندىرىس كولەمى 12%-عا ۇلعايدى. قازاقستان پوليپروپيلەن, بەنزول جانە پاراكسيلولدى قوسا العاندا, تەرەڭ وڭدەلگەن ونىمدەردى سىرتقى نارىقتارعا جۇيەلى تۇردە جەتكىزۋدى جۇزەگە اسىرىپ وتىر», دەدى ەرلان اقكەنجەنوۆ.
الەمدىك دەڭگەيدەگى كەشەندەر قۇرۋ قولعا الىنعان
سالانىڭ ستراتەگيالىق دامۋى اۋقىمدى ونەركاسىپتىك قۇرىلىس كەزەڭىمەن تىعىز بايلانىستى. ەلدە الەمدىك دەڭگەيدەگى مۇناي-حيميا كەشەندەرىن قۇرۋ جوبالارى ىسكە اسىرىلىپ جاتىر. اتىراۋ وبلىسىندا بولاشاق پوليەتيلەن زاۋىتىنا ارنالعان پيروليز قوندىرعىسىنىڭ قۇرىلىسى 30%-دان استام دەڭگەيدە ورىندالدى. ال پاۆلودار وبلىسىندا الكيلات وندىرەتىن كاسىپورىن قۇرۋ جوباسىن ىسكە اسىرۋ باستالدى.