اۋا رايىنىڭ قولايسىزدىعىنا بايلانىستى پاۆلودار جانە قاراعاندى وبلىسىنداعى بىرنەشە اۆتوجولدا كولىك قوزعالىسىنا شەكتەۋ ەنگىزىلدى. بۇل تۋرالى «قازاۆتوجول» ۇك ءباسپاسوز قىزمەتى ءمالىم ەتتى, دەپ حابارلايدى Egemen.kz.
2025 جىلعى 12 جەلتوقساندا كەشكى ۋاقىتتا پاۆلودار وبلىسىندا اۋا رايىنىڭ كۇرت ناشارلاۋىنا بايلانىستى رەسپۋبليكالىق ماڭىزى بار بىرقاتار اۆتوجولداردا كولىك قۇرالدارىنىڭ قوزعالىسىنا شەكتەۋ ەنگىزىلدى, - دەلىنگەن حابارلامادا.
ساعات 20:20-دا قابىلدانعان شەشىمگە سايكەس, مىنا ۋچاسكەلەر ۋاقىتشا جابىلدى:
«استانا – شىدەرتى – پاۆلودار – ۋسپەنكا – رف شەكاراسى» اۆتوجولىنىڭ 200–308 شاقىرىمى (اقمولا وبلىسىنىڭ شەكاراسى – ەكىباستۇز قالاسى); «قىزىلوردا – جەزقازعان – قاراعاندى – شىدەرتى» اۆتوجولىنىڭ 1135–1206 شاقىرىمى (قاراعاندى وبلىسىنىڭ شەكاراسى – شىدەرتى اۋىلى).پاۆلودار وبلىسىنداعى قولايسىز اۋا رايى قاراعاندى وبلىسىنىڭ دا جول قوزعالىسىنا اسەر ەتتى. ساعات 20:30-دا وسى جاعدايعا بايلانىستى رەسپۋبليكالىق ماڭىزى بار «قىزىلوردا – جەزقازعان – قاراعاندى – شىدەرتى» اۆتوجولىنىڭ قاراعاندى وبلىسى اۋماعىنداعى 1067–1135 شاقىرىم ارالىعى(مولودەجنىي اۋىلى – پاۆلودار وبلىسىنىڭ شەكاراسى) جابىلعانى حابارلاندى.
سونىمەن قاتار, رەسپۋبليكالىق ماڭىزى بار «استانا – شىدەرتى – پاۆلودار – ۋسپەنكا – رف شەكاراسى» اۆتوجولىنىڭ 159–200 شاقىرىمى ارالىعىندا (ەرەيمەنتاۋ قالاسى - پاۆلودار وبلىسىنىڭ شەكاراسى) كولىكتىڭ بارلىق ءتۇرىنىڭ قوزعالىسىنا شەكتەۋ قويىلادى.
قۇزىرلى ورگانداردىڭ مالىمەتىنشە, بارلىق اتالعان ۋچاسكەلەردى 2025 جىلعى 13 جەلتوقسان ساعات 06:00-دە اشۋ جوسپارلانىپ وتىر.
جۇرگىزۋشىلەرگە الىس ساپاردى كەيىنگە قالدىرىپ, اۋا رايى مەن جول جاعدايىنا قاتىستى رەسمي اقپاراتتاردى باقىلاپ وتىرۋ ۇسىنىلادى.