ولار قوعامدىق كەڭەس مۇشەلەرىمەن بىرگە قالا اۋماعىنداعى ينفراقۇرىلىمدىق نىسانداردىڭ جۇمىسىمەن تانىستى. ارداگەرلەردى وسى ۇيىمنىڭ توراعاسى كەنجەحان تولەباەۆ باستاپ باردى, دەپ جازادى Egemen.kz.
دەلەگاتسيا قوناەۆ داڭعىلى جالعاسىنىڭ ەكىنشى كەزەڭ قۇرىلىسىندا بولدى. بۇل كەزەڭدەگى جول قۇرىلىسىنىڭ ۇزىندىعى 1.7 شاقىرىمدى قۇرايدى. قازىرگى تاڭدا تۇركىستان كوشەسىنەن تەرەشكوۆا كوشەسىنە دەيىنگى اۋماقتاعى قۇرىلىس جۇمىستارى تولىق اياقتالىپ, كولىك قوزعالىسىنا اشىلعان.
قوعام قايراتكەرى شالاتاي مىرزاحمەتوۆ شاھاردىڭ كۇرە جولدارىنىڭ ءبىرى قوناەۆ داڭعىلى –ستراتەگيالىق ماڭىزدى نىسان ەكەنىن ايتتى. داڭعىلدىڭ كەزەڭ-كەزەڭگە بولىنگەن جول قۇرىلىسى مەگاپوليستەگى كولىك كەپتەلىسىن ازايتقانىن مالىمدەدى. سونداي-اق قالادا سايالى ورىندار مەن ساياباقتار كوبەيىپ كەلە جاتقانىن تىلگە تيەك ەتتى ارداگەر.
ارداگەرلەر ءال-فارابي اۋدانى اۋماعىنداعى قوشقار اتا وزەنى جاعالاۋىنىڭ اباتتاندىرۋ جۇمىسىمەن دە تانىستى. بۇلاق كوزىنەن باستاۋ العان وزەننىڭ جاعالاۋى بۇل كۇندە جانگەلدين كوشەسىنە دەيىن اباتتاندىرىلعان. بيىل قوسىمشا جانگەلدين كوشەسىنەن ءارى قاراي تاعى 3.5 شاقىرىمعا جاعالاۋى كوركەيتىلدى. تۇرعىندار شومىلاتىن ورىندار دا قاراستىرىلدى. قۇرىلىستا وزەننىڭ فلورا, فاۋناسىن ساقتاۋعا بارىنشا كوڭىل ءبولىندى. بۇل جۇمىستارعا قازىنادان 1.4 ملرد تەڭگە قارجى قارالىپتى.
شىمكەنت