رەسەيدىڭ «روسكوسموس» مەملەكەتتىك كورپوراتسياسى جۋىردا بولعان زىمىران ۇشىرىلىمى كەزىندە زاقىمدانعان پلاتفورمانى تولىق اۋىستىرۋدى جوسپارلاپ وتىر. ياعني, ب ۇلىنگەن قىزمەت كورسەتۋ پلاتفورماسىنىڭ ورنىنا قورداعى رەزەرۆتىك پلاتفورما ورناتىلادى, دەپ جازادى Egemen.kz.
RTVI دەرەگىنشە, قاراشا ايىنىڭ سوڭىندا زىمىران ۇشىرۋ كەزىندە قيراعان پلاتفورمانىڭ ورنىنا قوسالقى قىزمەت كورسەتۋ پلاتفورماسى ورناتىلادى. بۇل جاڭا پلاتفورمانى سالۋمەن سالىستىرعاندا زاقىمدانعان ۇشىرۋ الاڭىن جوندەۋگە كەتەتىن ۋاقىتتى ايتارلىقتاي قىسقارتادى.
الدىن الا مالىمەتتەرگە سۇيەنسەك, قورداعى پلاتفورما تابىلعان. دەرەككوزدىڭ ايتۋىنشا, بۇل باسقا عارىش ايلاقتارىندا – پلەسەتسك, بايقوڭىر, ۆوستوچنىي نەمەسە كۋرۋدا پايدالانىلىپ تۇرعان پلاتفورمالاردىڭ ءبىرى ەمەس, ناقتى قوردا ساقتالعان قوسالقى نۇسقا.
بيىل 27 قاراشادا بولعان اپات رەسەيدىڭ پيلوتتى عارىش باعدارلاماسىن ۇزاق ۋاقىتقا توقتاتۋى مۇمكىن. ويتكەنى زاقىمدانعان ستارت كەشەنى – حالىقارالىق عارىش ستانتسياسىنا (حعس) «سويۋز» كەمەلەرىن ۇشىرۋعا ارنالعان جالعىز كەشەن.