سەۆوران: بالانى ۇيىقتاتىپ ءتىسىن ەمدەۋدىڭ قاۋپى مەن تيىمدىلىگى قانداي؟

سەۆوران قالاي اسەر ەتەدى؟

«سەۆوران نەمەسە سەۆوفلۋران – قازىرگى تاڭدا بالالار ستوماتولوگياسىندا ەڭ كەڭ ناركوزدىق اپپارات. ءبىز ونى اسىرەسە جاس بالالارعا, كوپ ءتىسى زاقىمدانعان نەمەسە ەم كەزىندە تىنىش جاتا المايتىن بالالارعا قولدانامىز», دەيدى ءتىس دارىگەرى داۆرونوۆ ماردون نۋسراتوۆيچ.

دارىگەردىڭ ايتۋىنشا, پرەپاراتتىڭ ەڭ ۇلكەن ارتىقشىلىقتارىنىڭ ءبىرى – اسەرىنىڭ جىلدامدىعى.

بالالارعا اسەرى:

1-2 مينۋتتا تەز ۇيىقتاتادى; جۇرەك پەن تىنىسقا اسەرى وتە تومەن; ەم كەزىندە پسيحولوگيالىق جاراقاتتىڭ الدىن الادى. قاۋىپسىزدىك شارالارى قالاي ساقتالادى؟

دارىگەر سەۆوران قولدانار الدىندا قاۋىپسىزدىك تالاپتارى قاتاڭ ساقتالاتىنىن ايتادى:

بالانىڭ تولىق مەديتسينالىق تەكسەرىسى (جۇرەك-تامىر, تىنىس جولى, نەۆرولوگيالىق اقاۋلارى).  مولشەردى جاسىنا جانە سالماعىنا قاراي ناقتى ەسەپتەۋ. پۋلس, دەنە قىزۋى, قان قىسىمى, ساتۋراتسيانى تۇراقتى باقىلاۋ. بالا كەمىندە 6 ساعات تاماق ىشپەۋى كەرەك. رەانيماتسيالىق جابدىقتىڭ تولىق دايىندىقتا بولۋى.

«سەۆوراننىڭ اسەرى تەز باستالىپ, تەز اياقتالادى. ورتاشا ناركوز 2-3 ساعاتقا سوزىلادى. كەيبىر كۇردەلى جاعدايلاردا 4-5 ساعاتقا دەيىن ۇزارۋى مۇمكىن, بىراق ونى انەستەزيولوگ شەشەدى. بالانى ۇزاق ۋاقىت ناركوزدا ۇستاماس ءۇشىن ءبىر سەانستا 6-8 ءتىس ەمدەگەن دۇرىس. ەگەر 15-20 ءتىس زاقىمدانسا, ەمدى ەكى ءبولىپ جاسايمىز», دەيدى داۆرونوۆ.

پرەپاراتتىڭ ارتىقشىلىقتارى قانداي؟

اۋىرسىنۋ مەن قورقىنىش جوق; بىرنەشە ءتىستى بىردەن ەمدەۋگە مۇمكىندىك; ويانۋ كەزەڭى جەڭىل; اللەرگيالىق رەاكتسيالار سيرەك كەزدەسەدى.

تىيىم سالىناتىن  جاعدايلار:

استما, لارينگوسپازم سياقتى تىنىس جولدارىنىڭ اۋىر اۋرۋلارى; باۋىر نەمەسە بۇيرەك جەتكىلىكسىزدىگى; جۇرەك اۋرۋلارى; جەرگىلىكتى انەستەتيكتەرگە اللەرگيا; اۋىر نەۆرولوگيالىق اۋرۋلار; ەپيلەپسيانىڭ باقىلانبايتىن ءتۇرى; جاقىن ارادا ينفەكتسيالىق اۋرۋلارمەن اۋىرسا (ماسەلەن, جرۆي-مەن 1-2 اپتا بۇرىن اۋىرسا) بالالار ءۇشىن قاۋىپسىز بە؟

«سەۆوران ارنايى ناركوزدىق اپپارات ارقىلى بەرىلەدى. اپپارات سەۆوفلۋران گازىن ءدال مولشەردە ارالاستىرىپ, ماسكا ارقىلى بالاعا جىبەرەدى. ونىڭ باستى ارتىقشىلىعى – تەز ۇيىقتاتىپ, اۋىرسىنۋدى سەزدىرمەۋ, بالانىڭ بۇلشىقەتتەرىن از مولشەردە بوساڭسىتۋ جانە تەز وياتاتىندىعى. بالالار ءۇشىن قاۋىپسىزدىگى جوعارى», دەيدى انەستەزيولوگ-رەانيماتولوگ مامان تەمىرعاليەۆ قاناعات. 

قانداي جاستا ەرەكشە ساقتىق قاجەت؟

1 جاسقا دەيىنگى بالالار – تىنىس جولدارى وتە سەزىمتال; شالا تۋعان بالالار – قوسىمشا تەكسەرۋ قاجەت.

انەستەزيولوگتىڭ ايتۋىنشا, قاۋىپسىزدىكتىڭ نەگىزگى فاكتورلارى:

مولشەردى جاسىنا جانە سالماعىنا قاراي ءدال ەسەپتەۋ; ساتۋراتسيا, تىنىس, جۇرەك جيىلىگىن ۇزدىكسىز باقىلاۋ; ءتىس سانى كوپ بولسا, ناركوزدى ەكى كەزەڭگە ءبولۋ.

پروتسەدۋرا كەزىندە ۇزدىكسىز باقىلاۋ جۇرگىزىلەدى:

ساتۋراتسيا – وتتەگىنىڭ دەڭگەيى (پۋلسوكسيمەتر). ەكگ – جۇرەك ءريتمى مەن جيىلىگى. كاپنوگرافيا – سىرتقا شىعاتىن CO₂ مولشەرى, تىنىستىڭ ساپاسىن كورسەتەدى. قان قىسىمى, دەنە قىزۋى 5-10 مينۋت سايىن ولشەنەدى.

«بالا 6 ساعات تاماق, 4 ساعات سۋ ىشپەۋى كەرەك. ۇيىقتاۋ-ويانۋ كەزەڭى قالاي وتەتىنى, قانداي تىستەر ەمدەلەتىنى الدىن الا تۇسىندىرىلەدى. قىسقا مەرزىمدى باس اينالۋ, مازاسىزدىق بولۋى مۇمكىن. ۇيگە بارعان سوڭ كەشكە تازا اۋادا سەرۋەندەۋ پايدالى», دەيدى تەمىرعاليەۆ.

دارىگەرلەردىڭ پىكىرىنشە, اتا-انانىڭ نەگىزگى مىندەتى – بالانى الدىن الا تەكسەرۋدەن وتكىزىپ, ناركوز الدىنداعى تالاپتاردى دۇرىس ورىنداۋ. ال قالعانى ارنايى دايىندىقتان وتكەن مامانداردىڭ باقىلاۋىندا بولادى. ەڭ باستىسى – پروتسەدۋرانى كاسىبي ورتالىقتا, تاجىريبەلى دارىگەرلەردىڭ قاتىسۋىمەن وتكىزۋ.

بۇعان دەيىن مينيستر اقمارال ءالنازاروۆا استاناداعى ستوماتولوگيالىق كلينيكادا ناركوزدان كەيىن كوز جۇمعان ءۇش جاسار قىزعا قاتىستى جاعداي بويىنشا سەۆوفلۋران (سەۆوران) پرەپاراتىنىڭ قولدانىلۋىنا تىيىم سالۋ ماسەلەسىنە تۇسىنىك بەرگەن ەدى. قازىر بۇل ىسكە قاتىستى سوت پروتسەسى جالعاسىپ جاتىر. 

ەلىمىزدە بالالاردىڭ ءبىر ساتتە بىرنەشە ءتىسىن جالپى ناركوزبەن ەمدەۋ جاعدايلارى بويىنشا شاعىمدار جيىلەپ كەتكەن سوڭ, دەنساۋلىق ساقتاۋ مينيسترلىگى ستوماتالوگيالىق كلينيكالارعا تەكسەرىس جۇرگىزىپ جاتىر.