بۇگىن استانادا اۋا رايىنا بايلانىستى باستاۋىش سىنىپ وقۋشىلارى قاشىقتان وقيدى. بۇل تۋرالى استانا قالاسىنىڭ اكىمدىگى ءمالىم ەتتى, دەپ حابارلايدى Egemen.kz.
اكىمدىكتىڭ مالىمەتىنشە, بۇگىن ءبىرىنشى اۋىسىمداعى باستاۋىش سىنىپ وقۋشىلارى ونلاين وقيدى.
«11 جەلتوقسان كۇنى اۋا رايىنىڭ قولايسىزدىعىنا بايلانىستى ءبىرىنشى اۋىسىمنىڭ 0-4 سىنىپ وقۋشىلارى قاشىقتان وقىتۋ فورماتىنا اۋىستىرىلادى», دەلىنگەن حابارلامادا.
ايتا كەتەيىك, كەشە ەلىمىزدىڭ ەكى وڭىرىندە وقۋشىلار ايازعا بايلانىستى ونلاين وقۋعا اۋىستىرىلعان ەدى.