ءماجىلىس دەپۋتاتى جاناربەك ءاشىمجان ەلدەگى ءۇش ءىرى ۇيالى بايلانىس وپەراتورىنىڭ تاريفتەرىن 20%-عا كوتەرۋ جوسپارىن سىناپ, بۇل ارەكەتتىڭ نارىقتاعى باسەكەلەستىكتى شەكتەۋ قاۋپىن تۋدىراتىنىن ايتتى, دەپ حابارلايدى Egemen.kz.
دەپۋتاتتىڭ سوزىنشە, وپەراتورلار اراسىنداعى باعانىڭ ءبىر ۋاقىتتا ءوسۋى تاۋەلسىز شەشىمنەن گورى, ءوزارا كەلىسىمنىڭ بەلگىسى بولۋى مۇمكىن.
ء«ۇش ءىرى وپەراتوردىڭ ءبىر ۋاقىتتا تاريف كوتەرۋى نارىقتاعى باسەكەنىڭ ەمەس, ءوزارا كەلىسىمنىڭ, ۇيلەسىمنىڭ بەلگىسى سياقتى كورىنەدى», دەدى دەپۋتات.
جاناربەك ءاشىمجاننىڭ ايتۋىنشا, وسى جاعداي ۇيالى تەلەفون مەن ينتەرنەت قىزمەتىن جەتكىزۋ سەكتورىندا مونوپوليالىق كەلىسىم فاكتىلەرىن تەكسەرۋدى قاجەت ەتەدى.
«اتالعان كومپانيالار نارىقتاعى ۇستەمدىك جاعدايىن پايدالانىپ, باعا جونىندە كەلىسىم جاسادى ما, جوق پا سونى انىقتاۋ كەرەك. بۇل نارىققا زاڭسىز ەرەكشە قۇقىق بەرىلگەنىن كورسەتەدى. مۇنداي ەرەكشەلىكتى جويۋ ءۇشىن باسقا قاتىسۋشىلاردى تارتۋ قاجەت, ياعني باسەكەلەستىكتى ارتتىرۋ ماڭىزدى», دەدى دەپۋتات.
وپەراتورلاردىڭ تۇسىندىرۋىنشە, تاريفتەردىڭ وسۋىنە جاڭا سالىق كودەكسى, سونداي-اق جەلىلەردى دامىتۋ, جاڭعىرتۋ جانە قىزمەت كورسەتۋ شىعىندارىنىڭ ارتۋى سەبەپ بولعان.
وسى رەتتە دەپۋتاتتار پرەمەر-مينيستردەن جانە باسەكەلەستىكتى قورعاۋ اگەنتتىگىنەن تاريفتەردىڭ قىمباتتاۋى جانە وپەراتورلاردىڭ نارىقتاعى ءىس-ارەكەتتەرى بويىنشا تولىق تۇسىنىكتەمە بەرۋدى تالاپ ەتتى.