UEFA جاستار ليگاسىنىڭ جالپى كەزەڭىندەگى التىنشى تۋردا «قايرات U19» كومانداسى ءوز الاڭىندا گرەكتىڭ «وليمپياكوسىن» 2:0 ەسەبىمەن تىزە بۇكتىرىپ, تۋرنير تاريحىنداعى تۇڭعىش جەڭىسىنە قول جەتكىزدى, دەپ حابارلايدى Egemen.kz.
ايتا كەتەيىك, 2015 جىلعى ماۋسىمدا «استانا» جاستار كومانداسى بارلىق التى كەزدەسۋدە جەڭىلىس تاپقان ەدى.
ماتچتىڭ ءتورتىنشى مينۋتىندا شابۋىلشى رامازان باعدات ەسەپ اشتى – 1:0. ەرتە سوعىلعان گول گرەكتەردى ويىن ورنەگىن وزگەرتۋگە ءماجبۇر ەتتى, بىراق الماتىلىقتار قورعانىستا ساۋاتتى, ال قارسى شابۋىلدا وتكىر وينادى.
ەكىنشى تايمدا «قايرات» تاعى ءبىر مۇمكىندىكتى كادەگە جاراتتى. 57-مينۋتتا مۇحامەدالى ءابىش قارسىلاستىڭ قاتەلىگىن پايدالانىپ, ەسەپتى ەسەلەدى – 2:0.
كەزدەسۋدە ەل فۋتبولىنداعى ەڭ تانىمال جاس قاقپاشى سانالاتىن شەرحان قالمۇرزا «قايراتتىڭ» قاقپاسىن قورعادى.
ناتيجەسىندە الماتىلىق كوماندا 4 ۇپاي جيناپ, جالپى رەيتينگتە 28-ورىنعا كوتەرىلدى. ال 7 ۇپايى بار «وليمپياكوس» 20-ورىندا تۇر.
ەستەرىڭىزگە سالا كەتەيىك, بۇگىن «قايرات» پەن «وليمپياكوستىڭ» نەگىزگى قۇرامى كەزدەسەدى. ويىن ساعات 20:20-دا باستالىپ, تىكەلەي ەفيردە «Qazaqstan» تەلەارناسىنان كورسەتىلەدى.