بۇگىن UEFA چەمپيوندار ليگاسىنىڭ 6-تۋرى اياسىندا الماتىلىق «قايرات» گرەكيانىڭ «وليمپياكوس» فۋتبول كلۋبىمەن كەزدەسەدى. ويىن ساعات 20:20-دا باستالىپ, تىكەلەي ەفيردە «Qazaqstan» تەلەارناسىنان كورسەتىلەدى, دەپ حابارلايدى Egemen.kz.
ايتا كەتەيىك, داستان ساتپاەۆ جاراقاتىنا بايلانىستى الاڭعا شىقپايدى.
بۇعان دەيىن استانا قالاسىنىڭ اكىمدىگى ماتچ كۇنى كورەرمەندەر ءۇشىن ستاديونعا ارنايى اۆتوبۋستار قاتىنايتىنىن مالىمدەگەن ەدى.
ەستەرىڭىزگە سالا كەتەيىك, 27 قاراشاعا قاراعان ءتۇنى وتكەن ويىندا الماتىلىق «قايرات» تۇزدە «كوپەنگاگەنگە» ەسە جىبەردى. ەسەسىنە داستان ساتپاەۆ پەن ولجاس بايبەك چەمپيوندار ليگاسىنىڭ نەگىزگى كەزەڭىندە گول سوققان العاشقى قازاق فۋتبولشىلارى اتاندى.