قتج جاڭا پلاتسكارت ۆاگوندارىن تانىستىردى

اتالعان پلاتسكارت ۆاگوندار 58 جولاۋشىعا ارنالعان. ۆاگوندى جوبالاۋ كەزىندە كىرەبەرىس بولىگىندە جۇك قويۋعا ارنالعان سورەلەر, جولسەرىككە بولەك دەمالىس ايماعى, شاعىن ءاسۇي جانە باسقارۋ ءبولىمى قاراستىرىلعان.

سونداي-اق, جوعارعى ورىندارعا شىعۋعا ارنالعان جاڭا ۇلگىدەگى باسپالداق ورناتىلعان. ءار ورىن جەكە شاممەن, 220 ۆولتتىق روزەتكا جانە USB جانە USB-C پورتتارىمەن جابدىقتالعان. تومەنگى ورىنداردىڭ استىندا ەكى باگاجدى قويۋعا ارنالعان ارنايى ورىن بار. ال ورتالىق ۇستەل 200 كگ-عا دەيىنگى سالماقتى كوتەرە الادى.

العاشقى وتاندىق Stadler ۆاگوندارى 2026 جىلدان باستاپ مىنا باعىتتاردا قاتىنايدى:• № 3/4 «استانا – الماتى»• № 353/354 «استانا  – سەمەي»• № 85/86 «استانا  – شىمكەنت»• № 47/48 «استانا  – اتىراۋ»جاڭا ۆاگونداردىڭ العاشقى لەگى جىل سوڭىنا دەيىن «جولاۋشىلار تاسىمالى» اق-عا بەرىلەدى. كەلىسىم اياسىندا Stadler كومپانياسى وندىرىلگەن ۆاگوندارعا 20 جىل بويى سەرۆيستىك قىزمەت كورسەتەدى.

«جولاۋشىلار تاسىمالى» اق ءباسپاسوز قىزمەتى 2030 جىلعا دەيىن 557 ۆاگون پايدالانۋعا بەرىلەتىنىن مالىمدەدى.