يران يسلام رەسپۋبليكاسىنىڭ عىلىم, زەرتتەۋ جانە تەحنولوگيا مينيسترلىگىنىڭ ۇيىمداستىرۋىمەن جۋىردا تەھران قالاسىندا يسلام الەمى باسپاگەرلەرىنىڭ 1 باسقوسۋى بولىپ ءوتتى. 32 ەلدىڭ باسپاگەرلەرى باس قوسقان حالىقارالىق فورۋمعا يران يسلام رەسپۋبليكاسىنىڭ پرەزيدەنتى ماحمۇد احمادەنيجاد قاتىسىپ, ءسوز سويلەدى.
ەكى كۇندىك ءماسليحاتتا “يسلام الەمىندەگى ەلەكتروندى باق ماسەلەلەرى”, “قۇران كارىمنىڭ اۋدارمالارى”, “كىتاپ تاراتۋ جۇيەسى جانە ەكونوميكالىق العىشارتتار”, “اۆتورلىق قۇقىق جانە اۋدارما ماسەلەلەرى”, “كىتاپتاردى يدەيالىق جانە مادەني تۇرعىدان ساراپتاۋ” اتتى بەس سەكتسيا جۇمىس جاسادى. يسلام الەمى باسپاگەرلەرى جىل سايىن تەھران قالاسىندا باس قوسىپ, اقىلداسىپ, كەڭەسىپ وتىرۋعا كەلىستى. اتالمىش جۇمىستاردى ۇيلەستىرۋشى بولىپ پرەزيدەنتتىڭ كەڭەسشىسى, دوكتور ءالي زارە ناعافداري سايلاندى.
وسى حالىقارالىق فورۋمعا قازاق باسپاگەرلەرى اراسىنان “ارىس” باسپاسىنىڭ ديرەكتورى عاريفوللا انەس قاتىستى. ول “قۇران كارىمنىڭ” قازاق تىلىندەگى اۋدارما نۇسقالارى” اتتى بايانداما جاسادى.
“ەگەمەن-اقپارات”.