اقمولا وبلىستىق پوليتسيا دەپارتامەنتىنىڭ مالىمەتىنشە, 5 جەلتوقسان كۇنى شامامەن 14:21-دە «ەكاتەرينبۋرگ — الماتى» تاس جولىنىڭ 1300-شاقىرىمىندا بىرنەشە كولىك قاتىسقان ءىرى جول اپاتى تىركەلدى, دەپ حابارلايدى Egemen.kz.
پوليتسيا وقيعا ورنىندا جۇرگىزگەن العاشقى تەكسەرىس بارىسىندا جۇك كولىگىنىڭ DAF ماركالى جۇرگىزۋشىسى استانا باعىتىنا قاراي قوزعالىپ كەلە جاتىپ, كوكتايعاق سالدارىنان رولگە يە بولا الماي, جول بويىنداعى قورشاۋعا سوعىلعانىن انىقتادى.
ارتىنشا كەلە جاتقان Chevrolet Cobalt پەن Toyota Highlander كولىكتەرىنىڭ جۇرگىزۋشىلەرى دە كوكتايعاقتا تەجەگىشتى ۇستاي الماي, جۇك كولىگىنە سوقتىعىسقان. ال Kia K5 جۇرگىزۋشىسى جول اپاتىن بايقاپ تەجەمەك بولعانىمەن, كولىكتى باسقارا الماي, سونداي-اق قورشاۋعا سوعىلعان.
جول-كولىك وقيعاسى سالدارىنان ەكى جەڭىل كولىك جولاۋشىلارى اۋرۋحاناعا جەتكىزىلدى. پوليتسيا وكىلدەرى تەكسەرۋ اياقتالعان سوڭ كىنالى تۇلعالارعا قاتىستى شارا قولدانىلاتىنىن اتاپ ءوتتى.