ۇلتتىق جوبانىڭ يگىلىگى

الماتى قالاسىندا «كەلەشەك مەكتەپتەرى» ۇلتتىق جوباسى اياسىندا 21 زاماناۋي وقۋ وردا­سىنىڭ قۇرىلىسى كوزدەلگەن. ونىڭ ىشىندە 13 مەكتەپ – «Samruk-Kazyna Construction» اق باسقارۋىمەن, ال قالعان 8 مەكتەپ – قالا اكىمدىگى تاراپىنان مەملەكەت-جەكەمەنشىك ارىپتەستىك جانە دايىن نىساندى ساتىپ الۋ مەحانيزمدەرى بويىنشا سالىنىپ جاتىر.

«Samruk-Kazyna Construction» اق باس­قا­رۋىمەن سالىنعان بارلىق 13 مەكتەپتىڭ قۇرىلىس-مونتاج جۇمىسى تولىق كولەمدە اياقتالدى. وتكەن 29 تامىزدا سوڭ­عى نىساننىڭ پايدالانۋعا بەرۋ اكتىسى تىر­كەلدى. وسىلايشا, بارلىق 13 مەكتەپ ىسكە قوسۋ اكتىلەرىمەن جاڭا وقۋ جىلىنا دەيىن الماتى قالالىق اكىمدىگىنىڭ بالانسىنا رەسمي تۇردە وتكىزىلدى», دەدى ماۋلەن اي­مانبەتوۆ.

ەندى الماتىدا قۇرىلىسى اياقتالعان مەكتەپتەردىڭ تىزىمىنە كەلەيىك. ولار: №97 مەكتەپ, 600 ورىن — اۋەزوۆ اۋدانى, 1-شاعىناۋدان (10 جەلتوقسان 2024 ج.), №217 مەكتەپ, 2000 ورىن — الاتاۋ اۋدا­نى, «سامعاۋ» ش/ا (26 اقپان 2025 ج.), №218 مەكتەپ, 2000 ورىن — الاتاۋ اۋدانى, «قاراسۋ» ش/ا (20 اقپان 2025 ج.), №215 مەكتەپ, 1500 ورىن — بوستاندىق اۋدانى, روزىباكيەۆ–لەۆيتان كوش. قيىلىسى (28 شىلدە 2025 ج.), №154 مەكتەپ, 1500 ورىن — الاتاۋ اۋدانى, «اقبۇلاق» ش/ا (31 شىلدە 2025 ج.), №214 مەكتەپ, 1500 ورىن — ناۋرىزباي اۋدانى, رايىمبەك داڭع. («نۇرلى دالا» تك اۋدانى) (2 مامىر 2025 ج.), №213 مەكتەپ, 2000 ورىن — الاتاۋ اۋدانى, «تەرەكتى» ش/ا (21 اقپان 2025 ج.), №216 مەكتەپ, 1500 ورىن – المالى اۋدا­نى, رايىمبەك داڭع. 210 (2 مامىر 2025 ج.), №219 مەكتەپ, 1500 ورىن – ناۋرىزباي اۋدا­نى, «قۇرامىس» ش/ا (27 تامىز 2025 ج.), №220 مەكتەپ, 2000 ورىن – مەدەۋ اۋدا­نى, كولدىجين تاس جولى, «اپورت» سوو ماڭى (29 تامىز 2025 ج.), №222 مەكتەپ, 2000 ورىن – الاتاۋ اۋدانى, ت.رىسقۇلوۆ – س.ءاشىموۆ كوش. قيىلىسى (29 تامىز 2025 ج.), №221 مەكتەپ, 2500 ورىن – ناۋرىزباي اۋدانى, «شۇعىلا» ش/ا (29 تامىز 2025 ج.), №224 مەكتەپ, 2500 ورىن – بوستاندىق اۋدا­نى, ەگىزباەۆا كوش., 9 (29 تامىز 2025 ج.).

باسقارما توراعاسىنىڭ سوزىنە زەر سالساق, №97 جانە №154 مەكتەپ بۇرىنعى اپاتتى جاعدايداعى عيمارات ورنىنا سالىنعان. ەسكى نىساندار تولىق بۇزىلىپ, ولاردىڭ ورنىنا جاڭا, جايلى جانە قاۋىپسىز ءبىلىم ورداسى بوي كوتەردى.

«بىرىڭعاي وپەراتوردىڭ باسقارۋىمەن ەل تاريحىندا العاش رەت ارقايسىسى 2500 ورىندىق 2 ءىرى مەكتەپ سالىنىپ, پايدالانۋعا بەرىلدى. بۇل – تەك الماتىدا عانا ەمەس, بۇكىل ەلىمىزدەگى ەڭ ۇلكەن وقۋ وردالارى. 2500 ورىندىق مەكتەپتەردى سالۋدىڭ نورماتيۆتىك مەرزىمى 28 اي بولسا, ءبىز ولاردى 22 ايدا اياقتادىق», دەدى كومپانيا باسشىسى.

ال 2000 ورىندىق مەكتەپتەردىڭ نورماتيۆتىك مەرزىمى 26 اي بولسا, ولار 18 ايدا سالىنعان. بارلىق نىسان بەلگىلەنگەن مەرزىمنەن بۇرىن تاپسىرىلدى.

ماۋلەن ايمانبەتوۆتىڭ ايتۋىنشا, «كەلەشەك مەكتەپتەرى» ۇلتتىق جوباسى بەكىتىلگەن كەستەگە جانە ساپا تالاپتارىنا ساي جۇزەگە اسىپ جاتىر. الماتىدان بولەك, قۇرىلىس جۇمىستارى 10 وڭىردە تولىقتاي اياقتالعان.

ءوڭىر

كەلەشەك مەكتەپتەرىنىڭ سانى

وقۋشى ورىندارى

الماتى

13 مەكتەپ

23 100 ورىن

شقو

7 مەكتەپ

3000 ورىن

سقو

2 مەكتەپ

1200 ورىن

پاۆلودار وبلىسى

2 مەكتەپ

1800 ورىن

قىزىلوردا وبلىسى

10 مەكتەپ

6900 ورىن

ماڭعىستاۋ وبلىسى

13 مەكتەپ

12 600 ورىن

جامبىل وبلىسى

7 مەكتەپ

6200 ورىن

اقمولا وبلىسى

9 مەكتەپ

12 200 ورىن

شىمكەنت

12 مەكتەپ

17 300 ورىن

ۇلىتاۋ وبلىسى

1 مەكتەپ

300 ورىن

جەتىسۋ وبلىسى

2 مەكتەپ

1800 ورىن

 

سونداي-اق استانا قالاسىندا دا ۇلتتىق جوبانى ىسكە اسىرۋ تامامدالۋعا جاقىن. جوسپارلانعان 22 مەكتەپتىڭ 21-ىندە (39 200 ورىندىق) قۇرىلىس جۇمىسى اياقتالدى. 2000 ورىندىق ءبىر نىسان جاقىندا پايدالانۋعا بەرىل­مەك.

بۇگىنگى تاڭدا رەسپۋبليكا بويىنشا جوسپارلانعان 217 300 ورىندىق 208 مەكتەپتىڭ 187-سىندە قۇرىلىس جۇمىسى اياقتالدى. قالعان 21 مەكتەپتىڭ قۇرىلىس-مونتاجداۋ جۇمىستارى بيىلعى جىل سوڭىنا دەيىن ءوز مارەسىنە جەتەدى. مەر­زىمدەردىڭ ساقتالۋى, ورىندالۋ ساپاسىنىڭ جوعارى بولۋى, قاراجاتتى ءتيىمدى ءارى ۇنەمدى پايدالانۋ بىرىڭعاي وپەراتور جۇمىسىنىڭ ناتيجەلىلىگىن دالەلدەيدى», دەدى «Samruk-Kazyna Construction» اق باسقارما توراعاسى.

 

ازامات قۇسايىن