عىلىمي ەكسپەديتسيالاردىڭ ارقاسىندا تاريح قويناۋىنداعى تالاي قۇپيا قايتا جاڭعىرىپ جاتىر. ماسەلەن, جاقىندا شۆەتسيادا ارحەولوگتەر ەلدىڭ وڭتۇستىك-باتىسىنان, ناقتىراق ايتساق قازىرگى گيوتەبورگ قالاسىنىڭ ماڭىنان 625 جىلدىق تاريحى بار كونە قالانى تاپتى.
زەرتتەۋشىلەر بۇل ورىننىڭ تاريحي اتاۋى نيا-ليوديوسە ەكەنىن انىقتاعان. عالىمداردىڭ ايتۋىنشا, قالانىڭ نەگىزى IV عاسىردىڭ سوڭىندا قالانعان. قازبا بارىسىندا ماماندار ەجەلگى تۇرعىن ۇيلەردىڭ ورنىن, كەراميكالىق بۇيىمداردى, اينەك قالدىقتارىن, تيىنداردى تاپتى. بۇل زاتتار سول داۋىردەگى ساۋدا-ساتتىقتىڭ دامىعانىن, حالىقتىڭ تۇرمىسى جوعارى بولعانىن كورسەتەدى.