«دامۋ» قورى العاش رەت تسيفرلىق تەڭگەمەن نەسيە بەردى

كاسىپكەردىڭ جوباسى – ءۇي جانۋارلارىنا ارنالعان سانيتارلىق تولتىرعىش رەتىندە جانە قۇرىلىس, اۋىل شارۋاشىلىعى, ەكولوگيا سالالارىندا (مىسالى, جانار-جاعارماي توگىلگەن اپاتتاردى جويۋ كەزىندە) قولدانىلاتىن گرانۋلا/ابسوربەنت وندىرەتىن كاسىپورىن سالۋ. كليەنت ءوندىرىستى زاماناۋي تەحنولوگيالارمەن دامىتۋ ءۇشىن جاڭا ءونىم – تسيفرلىق تەڭگەدەگى نەسيەنى سانالى تۇردە تاڭداعان.

«بۇل جوبانى تەك بيزنەس ءۇشىن باستاعان جوقپىز. ءبىز ءوز جەرىمىزدە جاسالعان ساپالى ابسوربەنتتى – ماقتانىشپەن ۇسىناتىن ءونىم جاساعىمىز كەلەدى. بۇل جاي عانا جانۋارلارعا ارنالعان تولتىرعىش ەمەس, شارۋاشىلىقتا, قۇرىلىستا, ەكولوگيادا كەڭ قولدانىلاتىن امبەباپ ماتەريال. «ورلەۋ» باعدارلاماسى ارقىلى بەرىلگەن مەملەكەتتىك قولداۋ ءبىزدىڭ ستارتتىق كاپيتالىمىز بولدى, ال تسيفرلىق تەڭگەنى ءبىز جاڭا, تەحنولوگيالىق جانە ۇزاقمەرزىمدى دامۋعا باعىتتالعان كەزەڭنىڭ سيمۆولى رەتىندە قولداندىق», دەدى كاسىپكەر ۆيتالي كرەمبەرگ.

تسيفرلىق تەڭگەدەگى نەسيەنىڭ ارتىقشىلىقتارى

- قاشىقتان راسىمدەۋ;

- ءوتىنىمدى جىلدام قاراۋ جانە قارجىنى تەز بەرۋ;

- مەملەكەتتىك باعدارلامالار شارتتارىنىڭ تولىق اشىق ورىندالۋى;

- سالىقتىق تەكسەرۋلەردىڭ بولماۋى, بۇل اكىمشىلىك جانە قارجىلىق شىعىنداردى ازايتادى;

- ققس قايتارۋ مەرزىمى 55-75 كۇننەن 15 جۇمىس كۇنىنە دەيىن قىسقارادى.

«دامۋ» قورىنىڭ پىكىرi

«تسيفرلىق تەڭگەنىڭ نەگىزگى ارتىقشىلىقتارىنىڭ ءبىرى – تسيفرلىق قاراجاتتى تاڭبالاۋ مۇمكىندىگى. بۇل بولىنگەن قارجىنىڭ ماقساتتى پايدالانىلۋىن باقىلاۋدى الدەقايدا جەڭىلدەتەدى. كاسىپكەرلەر ءۇشىن تسيفرلىق تەڭگەدەگى نەسيە ءراسىمى جىلدامىراق ءارى اشىق بولادى», دەدى «دامۋ» قورىنىڭ باسقارما توراعاسىنىڭ ورىنباسارى ارسەن مۋستافين.

جوبانىڭ پارامەترلەرى

سوماسى – 250 ملن تەڭگە.

مەرزىمى –7 جىل.

سىياقى مولشەرلەمەسى –12,6%.

جەر تەلىمىن ساتىپ الۋ, وندىرىستىك نىسان سالۋ جانە جابدىق الۋ جوسپارلانعان.

العاشقى جىلى 10 جۇمىس ورنى اشىلادى.

ءوندىرىس قۋاتى – جىلىنا 1200-1400 توننا.

Halyk Bank پىكىرى

«Halyk-تىڭ بۇل پيلوتتىق جوباعا قاتىسۋى بانكتىڭ يننوۆاتسياعا اشىق ەكەنىن كورسەتەدى. «دامۋ» قورىمەن سەرىكتەستىك بيزنەستىڭ جاڭا مۇمكىندىكتەرگە قول جەتكىزۋىنە جول اشادى», دەدى Halyk Bank باسقارما توراعاسىنىڭ ورىنباسارى ولگا ۆۋروس.

ۇلتتىق بانكتىڭ پىكىرى

«تسيفرلىق تەڭگە – مەملەكەتتىك قارجىلاردىڭ جاڭا ارحيتەكتۋراسى. پروگراممالاناتىن اقشالار كاسىپكەرگە ىڭعايلى, ال مەملەكەتكە – تولىق اشىقتىق بەرەدى. پرەزيدەنت تاپسىرماسى بويىنشا تسيفرلىق تەڭگە بارلىق مەملەكەتتىك شىعىستار مەن سۋبسيديالارعا كەزەڭ-كەزەڭىمەن ەنگىزىلەدى», دەدى ۇلتتىق بانك توراعاسىنىڭ كەڭەسشىسى بينۋر جالەلوۆ:

باعدارلاماعا قالاي قاتىسۋعا بولادى؟

كاسىپكەرلەر ەكىنشى دەڭگەيلى بانكتەرگە جۇگىنەدى. قازىر باعدارلاما بويىنشا كەلىسىم جاسالعان بانكتەر:

Halyk Bank, Bank CenterCredit, ForteBank, Bereke Bank, ەۋرازيالىق بانك, Freedom Bank, Nurbank, RBK Bank, KZI Bank.

باعدارلاما قاتىسۋشىلارى «دامۋ» قورىنىڭ كەپىلدىگىن دە پايدالانا الادى.

قوسىمشا اقپارات – 1408 call-ورتالىعىندا نەمەسە www.damu.kz سايتىندا تۇر.