1 جەلتوقسان – دۇنيەجىزىلىك جيتس-پەن كۇرەس كۇنىنە وراي شىمكەنتتە ەكى كۇندىك سەمينار ءوتتى. ول «ايتۆ-عا تەستىلەۋدىڭ جاڭا الگوريتمىنە ءوتۋ. ايتۆ-دياگنوستيكاسى ساپاسىن باقىلاۋدى قامتاماسىز ەتۋ» اتتى تاقىرىپتا ۇيىمداستىرىلدى. ءىس-شارانىڭ وتۋىنە قازاق دەرماتولوگيا جانە ينفەكتسيالىق اۋرۋلار عىلىمي ورتالىعى قولداۋ ءبىلدىردى, دەپ جازادى Egemen.kz.
ترەنينگ بارىسىندا دۇنيەجۇزىلىك دەنساۋلىق ساقتاۋ ۇيىمى ۇسىنعان ايتۆ-عا تەستىلەۋدىڭ جاڭا الگوريتمى تانىستىرىلدى. سونىمەن بىرگە, ايتۆ-دياگنوستيكاسىنداعى جەدەل-تەستتەردى قولدانۋ, ولاردىڭ ساپاسىنا قاتىستى ماسەلەلەر تالقىلاندى. سەميناردا سونداي-اق ەلىمىزدەگى 20 ءوڭىردىڭ ايتۆ (جيتس) ورتالىقتارىنىڭ زەرتحانا ماماندارى تاجىريبەسىمەن ءبولىستى.
شاھارداعى جيتس-ورتالىعىنىڭ باس دارىگەرى ب.سىربەك ءوز سوزىندە ايتۆ-نى ەرتە انىقتاۋ اۋرۋدىڭ اسقىنىپ كەتپەۋىنىڭ كەپىلى ەكەنىن اتاپ ءوتتى.
«شىمكەنت قالالىق جيتس-ورتالىعىنىڭ ايتۆ-ينفەكتسياسىن دياگنوستيكالاۋداعى تاجىريبەسى مول. ورتالىق زەرتحاناسى 2020 جىلى يسو 15189 حالىقارالىق ساپا مەن قاۋىپسىزدىك ستاندارتتىنا سايكەس اككرەديتتەلدى. مەكەمە زاماناۋي دياگنوستيكالىق اناليزاتورلارمەن جابدىقتالعان. زەرتحانا ماماندارى تەك تمد مەملەكەتتەرىندە عانا ەمەس, اقش, ەۋروپا, كورەيا ەلدەرىندە دە بىلىكتىلىگىن ارتتىرعان. ايتۆ-عا تەستىلەۋدىڭ جاڭا الگوريتمىنە ءوتۋ ناتيجەسىندە ايتۆ-ينفەكتسياسىن ەرتە انىقتاۋعا, انتيرەتروۆيرۋستى تەراپيانى ەرتە باستاۋعا سول ارقىلى ناۋقاستاردىڭ ءومىر ساپاسىن جاقسارتۋعا قول جەتكىزىلدى», دەدى ول.
شىمكەنت