اتىراۋ وبلىسىندا 13 مەكتەپتەگى 92 سىنىپتىڭ وقۋشىلارى قاشىقتان وقۋ رەجيمىنە كوشىرىلدى. ءبىلىم ورداسىنداعى پەداگوگتەر مەن وقۋشىلارعا مەديتسينالىق ماسكا كيۋ ۇسىنىلدى, دەپ حابارلايدى Egemen.kz.
وبلىستىق ءبىلىم بەرۋ باسقارماسىنىڭ رەسمي اقپاراتىنا سۇيەنسەك, بۇعان جرۆي-ءدىڭ قولايسىز ەپيدەميولوگيالىق جاعدايى سەبەپ بولعان.
«اتىراۋ وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ 2025 جىلعى 27 قاراشاداعى حاتىنا سايكەس, جرۆي-ءدىڭ قولايسىز ەپيدەميولوگيالىق جاعدايىنا بايلانىستى باستاۋىش, نەگىزگى, ورتا ءبىلىم بەرۋ ۇيىمدارىندا وقۋشىلار مەن قىزمەتكەرلەردىڭ مەديتسينالىق ماسكا كيۋ رەجيمىن ۇيىمداستىرۋ تاپسىرىلدى. قازىر وبلىستاعى 13 مەكتەپتەگى 92 سىنىبىنىڭ 1920 وقۋشىسى ونلاين وقىتۋعا اۋىستى», دەپ حابارلادى باسقارمانىڭ ءباسپاسوز قىزمەتى.