الماتى اۋەجايىندا شەتەل ازاماتتارىنىڭ سۋرروگات انادان تۋعان بالالارمەن ەلدەن شىعۋعا ارەكەت جاساعانى تۋرالى اقپارات تارادى. سابيلەردى ساتۋمەن بىرنەشە وتباسىلىق جۇپ اينالىسقان, دەپ حابارلايدى Egemen.kz.
الماتى پوليتسياسىنىڭ ءباسپاسوز قىزمەتى وقيعانى راستادى.
«پوليتسيا دەپارتامەنتىنىڭ تەرگەۋ باسقارماسى بۇل دەرەك بويىنشا قر قىلمىستىق كودەكسىنىڭ 135-بابى 1-بولىگى (كامەلەتكە تولماعانداردى ساۋدالاۋ) نەگىزىندە قىلمىستىق ءىستى تەرگەپ جاتىر. قىلمىستىق-پروتسەستىك كودەكسىنىڭ 24-بابىندا كوزدەلگەن ءىستىڭ بارلىق ءمان-جايىن تولىق, وبەكتيۆتى جانە جان-جاقتى زەرتتەۋ تالاپتارى قامتاماسىز ەتىلەدى», دەلىنگەن حابارلامادا.
ايتا كەتەيىك, 2025 جىلدىڭ العاشقى جەتى ايىندا قازاقستاندا ادام ساۋداسىنا قاتىستى 285 قىلمىستىق ءىس تىركەلگەن. ولاردىڭ 28-ءى كامەلەتكە تولماعاندارعا قاتىستى.