ەلدى مەكەندەرگە سەرپىن بەرەتىن فورۋم

مەن «Amanat» پارتياسىنىڭ قولداۋىمەن 2022 جىلدىڭ 20 قارا­شاسىندا اۋىل اكىمى بولىپ سايلاندىم. اۋىلعا قىزمەت ەتۋگە كەلۋدەگى باستى ماقساتىم اۋلىمىزدىڭ كوركەيۋىنە ۇلەس قو­سىپ, تۇرمىسىن دامىتۋ بولدى. كە­يىن­گى ءۇش جارىم جىلدا اۋىلدا بىر­قاتار ماڭىزدى جۇمىس اتقارىلدى. اسىرەسە جول ماسەلەسى – بىزدە وتە وزەكتى دە باس­تى باسىمدىقتاردىڭ ءبىرى. بيىل 42 شاقىرىمدىق اياگوز – شىنقوجا – اقشاۋلى باعىتىنداعى جولدىڭ 15 شاقىرىمى تولىق اسفالتتالدى. قالعان بولىگى دە كەزەڭ-كەزەڭىمەن اياقتالادى دەپ سەنەمىز.

مادەنيەت ءۇيى, سپورت زال, حقو, كىتاپحانا كۇردەلى جوندەۋدەن ءوتىپ جاتىر. اۋىلىمىزداعى 11 جىلدىق مەكتەپتىڭ جۇمىسىن ساقتاپ قالۋ ءۇشىن ءوز وتباسىممەن بىرگە اۋىلعا كوشىپ كەلدىم. بەس بالام دا وسىندا وقىپ ءجۇر. بۇل – اۋىل مەكتەبىنىڭ جابىلماۋىنا قوسقان ۇلەسىم.

بۇگىنگى فورۋم وتە پايدالى بولدى. جاڭا تاسىلدەر, الداعى جوسپارلاردى ىسكە اسىرۋ جولدارى بويىنشا كوپ تاجى­ريبە الدىق. اۋىل ءۇشىن ەڭ باستى ماسە­لە­لەر – ينتەرنەت, جا­رىق, جول, اۋىزسۋ. بىز­دە سۋ جۇ­يەسى تولىق تار­تىل­عان, كوشە­­لەردىڭ بار­­لى­عى جارىقتان­دى­­­رىل­ع­ان. كەلەسى جىلى اۋىلعا تال­شىق­تى ينتەرنەت جۇرگىزۋ جوسپار­­لانىپ وتىر. سونىمەن قاتار كۇن قۋا­تىمەن جۇمىس ىستەيتىن جارىقتان­دىرۋ جۇيەسىن ەنگىزۋدى كوزدەپ وتىرمىز.

اۋىل شارۋاشىلىعى, ينفرا­قۇرىلىم جانە باسقا دا سالالاردى دامىتا وتىرىپ, اۋىلدىڭ تابيعي ەرەكشەلىگىن ەسكەرە كەلە ءتۋريزمدى دە دامىتۋدى جوسپارلاپ وتىرمىز. 2026–2028 جىلدارى دەمالىس ورىندارى مەن تاريحي نىسانداردى اباتتاندىرۋ ارقىلى جاڭا جۇمىس ورىندارىن اشۋ ويىمىزدا بار.

جالپى, مۇنداي فورۋمدار ءجيى وتسە, حالىق پەن بيلىك اراسىنداعى بايلانىستى نىعايتادى. ال ءبىز – وسى ەكى ورتانى بايلانىستىراتىن كوپىرمىز. مۇندا ايتىلعان جوسپارلاردى جۇزەگە اسىرۋ ءۇشىن الداعى ۋاقىتتا دا بارىمىزدى سالىپ جۇمىس ىستەي بەرەمىز.

جانىبەك تورتاەۆ,

اقشاۋلى اۋىلدىق وكرۋگىنىڭ اكىمى

اباي وبلىسى,

اياگوز اۋدانى